വട്ടംകുളം ശങ്കുണ്ണി മാസ്റ്റർ അനുസ്മരണവും രാമായണ ക്വിസ് മത്സരവും നടത്തി

കുമരനെല്ലൂർ: തപസ്യ കലാ സാഹിത്യവേദി കുമരനെല്ലൂർ യൂണിറ്റിന്റെ സംഘടിപ്പിച്ച വട്ടംകുളം ശങ്കുണ്ണി മാസ്റ്റർ അനുസ്മരണവും രാമായണ ക്വിസ് മത്സരവും കപ്പൂർ പൊയിലിയിൽ ശ്രീ മഹാവിഷ്ണു ക്ഷേത്രത്തിൽ നടന്നു.

യൂണിറ്റ് പ്രസിഡന്റ് വിജയകൃഷ്ണൻ അധ്യക്ഷനായ ചടങ്ങിൽ രക്ഷാധികാരി അക്കിത്തം നാരായണൻ ശങ്കുണ്ണി മാസ്റ്റർ അനുസ്മരണ പ്രഭാഷണം നടത്തി.യൂണിറ്റ് സെക്രട്ടറി ശ്രീദേവ് കപ്പൂർ സ്വാഗതവും എഴുത്തുകാരനും പരിസ്ഥിതി പ്രവർത്തകനുമായ സി. രാജഗോപാൽ പള്ളിപ്പുറം രാമായണ ക്വിസ് മത്സരത്തിന് നേതൃത്വവും നൽകി.

മത്സരത്തിൽ വിജയികളായ വിദ്യാർത്ഥികൾക്ക് ക്യാഷ് അവാർഡും മത്സരത്തിൽ പങ്കെടുത്ത മുഴുവൻ വിദ്യാർത്ഥികൾക്കും സർട്ടിഫിക്കറ്റ് വിതരണവും നടത്തി.