തിരുവല്ലയിൽ നിന്ന് മക്കളോടൊപ്പം കാണാതായ യുവതിയുടെ ഭര്‍ത്താവിനെ തൂങ്ങി മരിച്ച നിലയില്‍ കണ്ടെത്തി.

തിരുവല്ല: നിരണത്ത് നിന്ന് മക്കളോടൊപ്പം കാണാതായ യുവതിയുടെ ഭര്‍ത്താവിനെ തൂങ്ങി മരിച്ച നിലയില്‍ കണ്ടെത്തി.

കവിയൂര്‍ ഞാലിക്കണ്ടം മാറമല വീട്ടില്‍ അനീഷ് മാത്യുവിനെയാണ് ഞാലിക്കണ്ടത്തെ കുടുംബവീട്ടില്‍ മരിച്ച നിലയില്‍ കണ്ടെത്തിയത്. 32 വയസ്സായിരുന്നു. ഇന്ന് വൈകിട്ട് നാലരയോടെയാണ് സംഭവം നടന്നത്.

നിരണം അഞ്ചാം വാര്‍ഡിലെ കാടുവെട്ടില്‍ വീട്ടില്‍ റീന കെ. ജെയിംസും മക്കളായ അക്ഷര (8), അല്‍ക്ക (6) എന്നിവരുമാണ് രണ്ടാഴ്ച മുമ്പ് കാണാതായത്. റീനയും മക്കളും ഓട്ടോ ഡ്രൈവറായ ഭര്‍ത്താവ് അനീഷ് മാത്യുവിനൊപ്പം ആലുംതുരുത്തി ചന്തയ്ക്ക് സമീപമുള്ള വാടകവീട്ടിലാണ് താമസിച്ചിരുന്നത്.

ഇരുവരെയും കാണാതായ വിവരം റീനയുടെ സഹോദരന്‍ റിജോയാണ് പുളിക്കീഴ് പൊലീസ് സ്റ്റേഷനില്‍ അറിയിച്ചത്. തുടര്‍ന്ന് അനീഷിനെ പോലീസ് ചോദ്യം ചെയ്യലിനായി ദിവസവും വിളിപ്പിച്ചിരുന്നതായാണ് ബന്ധുക്കളുടെ പറയുന്നത്. അതേസമയം, കാണാതായ യുവതിയെയും കുട്ടികളെയും കണ്ടെത്താനുള്ള പോലീസ് അന്വേഷണം തുടരുകയാണ്.