പട്ന: ബിഹാര് നിയമസഭാ തിരഞ്ഞെടുപ്പിന് മുന്നേ വമ്പന് പ്രഖ്യാപനവുമായി മുഖ്യമന്ത്രി നിതീഷ് കുമാര്. ഓഗസ്റ്റ് ഒന്നാം തീയതി മുതല് സംസ്ഥാനത്തെ മുഴുവന് ഗാര്ഹിക ഉപയോക്താക്കള്ക്കും 125 യൂണിറ്റ് വരെ വൈദ്യുതി സൗജന്യമായിരിക്കുമെന്നാണ് പ്രഖ്യാപനം. സാമൂഹികമാധ്യമമായ എക്സിലൂടെയാണ് അദ്ദേഹം ഇക്കാര്യം അറിയിച്ചത്. സര്ക്കാരിന്റെ തീരുമാനം ബിഹാറിലെ 1.67 കോടി കുടുംബങ്ങള്ക്ക് ഗുണകരമാകുമെന്നും നിതീഷ് കുമാര് കൂട്ടിച്ചേര്ത്തു.
.jpg)
അടുത്ത മൂന്നുകൊല്ലത്തിനിടെ, വീട്ടുടമകളുടെ അനുവാദത്തോടെ കെട്ടിടങ്ങളുടെ മുകളിലോ അല്ലെങ്കില് സമീപത്തെ പൊതുവിടങ്ങളിലോ സൗരോര്ജപാനലുകള് സ്ഥാപിക്കാനും സര്ക്കാര് തീരുമാനിച്ചതായി നിതീഷ് കുമാര് കൂട്ടിച്ചേര്ത്തു. അതിദരിദ്ര കുടുംബങ്ങളുടെ മേല്ക്കൂരകളില് സൗരോര്ജ പാനലുകള് സ്ഥാപിക്കാനാവശ്യമായ മുഴുവന് ചെലവും സംസ്ഥാന സര്ക്കാര് വഹിക്കും. മറ്റുള്ളവര്ക്ക് കുടിര് ജ്യോതി പദ്ധതി പ്രകാരം സാമ്പത്തിക സഹായം ലഭ്യമാക്കുമെന്നും അദ്ദേഹം കൂട്ടിച്ചേര്ത്തു.
ഇക്കൊല്ലം അവസാനമാണ് ബിഹാര്, നിയമസഭാ തിരഞ്ഞെടുപ്പിലേക്ക് കടക്കുന്നത്. തങ്ങള്ക്കനുകൂലമായ കളമൊരുക്കാനുള്ള നീക്കങ്ങളിലാണ് സംസ്ഥാനത്തെ കക്ഷികള്. സര്ക്കാര് സ്കൂളുകളിലെ അധ്യാപക നിയമനം വേഗത്തിലാക്കണമെന്നും കഴിഞ്ഞദിവസം നിതീഷ് ഉദ്യോഗസ്ഥര്ക്ക് നിര്ദേശം നല്കിയിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.