പ്രവാസി മലയാളി ഡോ. ജെയിംസ് പോൾ പണ്ടാരക്കളം (79) അന്തരിച്ചു.

ലണ്ടൻ; ദീർഘകാലം എൻ.എച്ച്.എസിൽ കൺസൾട്ടന്റ് സൈക്യാട്രിസ്റ്റായി പ്രവർത്തിച്ച ഡോ. ജെയിംസ് പോൾ പണ്ടാരക്കളം (79) അന്തരിച്ചു.

കേരളത്തിൽ വച്ചായിരുന്നു അന്ത്യം സംസ്കാരം ഞായറാഴ്ച ഉച്ചകഴിഞ്ഞ് 2:30ന് അതിരമ്പുഴ സെന്റ് മേരീസ് ഫോറോനാ പള്ളി സെമിത്തേരിയിൽ. ഭാര്യ- മറിയാമ്മ. മകൻ ദുബായിൽ ഉദ്യോഗസ്ഥനാണ്.നോർത്ത് വെസ്റ്റ് ബറോസ് ഹെൽത്ത് കെയർ  എൻ.എച്ച്.എസ്. ഫൗണ്ടേഷനിൽ സൈക്യാട്രിസ്റ്റ് കൺസൾട്ടന്റായിരുന്ന ഡോ. ജെയിംസ് ക്ലിനിക്കൽ വൈദഗ്ധ്യം കൊണ്ടും രോഗികളോടുള്ള സൗമ്യമായ പെരുമാറ്റ രീതികൊണ്ടും ഏറെ ശ്രദ്ധേയനായിരുന്നു.

സൈക്കോളജി, സ്പിരിച്വാലിറ്റി, കൾച്ചർ തുടങ്ങിയ മേഖലകളിൽ ധാരാളം രചനകൾ അദ്ദേഹത്തിന്റേതായുണ്ട്. റോയൽ കോളജ് ഓഫ് സൈക്യാട്രിസ്റ്റ് വെബ്സൈറ്റിലും എസ്.എ.ജി.ഇ. ജേർണൽ തുടങ്ങിയ പ്രഫഷനൽ പ്രസിദ്ധീകരണങ്ങളിലും ഡോ. ജെയിംസിന്റെ കുറിപ്പുകൾക്ക് സ്വീകാര്യത ഏറെയായിരുന്നു