ലഖ്‌നൗ: ഉത്തര്‍ പ്രദേശില്‍ പോലീസ് ഉദ്യോഗസ്ഥന്റെ ഭാര്യ ജീവനൊടുക്കി. ഭര്‍ത്താവിന്റെ മാതാപിതാക്കളുടെയും ബന്ധുക്കളുടെയും മാനസിക-ശാരീരിക പീഡനത്തെ തുടര്‍ന്നാണ് താന്‍ ജീവിതം അവസാനിപ്പിക്കുന്നതെന്ന് ആരോപിച്ചുള്ള വീഡിയോ ഇന്‍സ്റ്റഗ്രാമില്‍ പങ്കുവെച്ചുകൊണ്ടാണ് സൗമ്യ കശ്യപ് എന്ന യുവതി ജീവനൊടുക്കിയത്.
പോലീസ് കോണ്‍സ്റ്റബിള്‍ അനുരാഗ് സിങ്ങിന്റെ ഭാര്യയാണ് സൗമ്യ. അനുരാഗിന്റെ മാതാപിതാക്കളും ബന്ധുക്കളും മാനസികമായി പീഡിപ്പിക്കുകയാണെന്നും ഭര്‍ത്താവിനെ മറ്റൊരു വിവാഹം കഴിക്കാന്‍ നിര്‍ബന്ധിക്കുകയാണെന്നും സൗമ്യ വീഡിയോയില്‍ പറയുന്നുണ്ട്. ഭര്‍ത്താവിന്റെ സഹോദരന്‍ തന്നെ കൊലപ്പെടുത്തുമെന്ന് ഭീഷണിപ്പെടുത്തിയെന്നും സൗമ്യ പറയുന്നു.
ഭര്‍ത്താവിന്റെ അമ്മാവന്‍ അഭിഭാഷകനാണ്. അയാള്‍, തന്നെ കൊലപ്പെടുത്താന്‍ ഭര്‍ത്താവിനോട് ആവശ്യപ്പെട്ടു. ഭര്‍ത്താവിനെ രക്ഷിച്ചോളാമെന്ന് അയാള്‍ പറഞ്ഞു, സൗമ്യ വീഡിയോയില്‍ പറയുന്നതായി ദേശീയമാധ്യമങ്ങള്‍ റിപ്പോര്‍ട്ട് ചെയ്തു. ഭര്‍ത്താവിന്റെ വീട്ടില്‍ തൂങ്ങിമരിച്ച നിലയിലാണ് സൗമ്യയെ കണ്ടെത്തിയത്. സംഭവത്തില്‍ പോലീസ് അന്വേഷണം ആരംഭിച്ചതായി അധികൃതര്‍ അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.