62.2 കോടി രൂപ വിലമതിക്കുന്ന 6 കിലോ കൊക്കെയ്നുമായി ഇന്ത്യൻ യുവതി മുംബൈ വിമാനത്താവളത്തിൽ അറസ്റ്റിൽ

മുംബൈ : 62.2 കോടി രൂപ വിലമതിക്കുന്ന 6 കിലോ കൊക്കെയ്നുമായി ഇന്ത്യൻ യുവതി മുംബൈ വിമാനത്താവളത്തിൽ അറസ്റ്റിൽ. ക്യാപസ്യൂൾ രൂപത്തിലാണ് ഇവ ഒളിപ്പിച്ചിരുന്നത്. 300 ക്യാപ്സ്യൂളുകൾ കണ്ടെടുത്തതായി ഡയറക്ടറേറ്റ് ഓഫ് റവന്യു ഇന്റലിജൻസ് (ഡിആർഐ) വൃത്തങ്ങൾ പറഞ്ഞു.

ബിസ്കറ്റ്, ചോക്‌ലേറ്റ് പാക്കറ്റുകളിലാണു ലഹരി ക്യാപ്സ്യൂളുകൾ ഒളിപ്പിച്ചിരുന്നത്. ദോഹയിൽ നിന്നു മുംബൈയിൽ വിമാനം ഇറങ്ങിയ സ്ത്രീയാണു രഹസ്യവിവരത്തെത്തുടർന്നു നടത്തിയ പരിശോധനയിൽ പിടിയിലായത്. ഇവരെ ചോദ്യം ചെയ്തുവരികയാണ്.