ഭർത്താവിനെ കൊലപ്പെടുത്തി ഭാര്യയും കാമുകനും ചേർന്നു വീട്ടിൽ കുഴിച്ചുമൂടിയ സംഭവത്തിലാണു പുതിയ വെളിപ്പെടുത്തൽ

ഭർത്താവിനെ കൊലപ്പെടുത്തി ഭാര്യയും കാമുകനും ചേർന്നു വീട്ടിൽ കുഴിച്ചുമൂടിയ സംഭവത്തിലാണു പുതിയ വെളിപ്പെടുത്തൽ

മുംബൈ : സ്വന്തം അനിയനെ കുഴിച്ചിട്ട സ്ഥലത്താണ് ടൈൽ പാകിയതെന്ന് അറിഞ്ഞിരുന്നില്ലെന്നു വിലപിച്ച് മുംബൈയിലെ യുവാവ്. നാലസൊപാരയിൽ ഭർത്താവിനെ കൊലപ്പെടുത്തി ഭാര്യയും കാമുകനും ചേർന്നു വീട്ടിൽ കുഴിച്ചുമൂടിയ സംഭവത്തിലാണു പുതിയ വെളിപ്പെടുത്തൽ. നാലസൊപാരയിലെ ധാനിവ്‌ബാഗിൽ ഓംസായ് വെൽഫെയർ സൊസൈറ്റിയിൽ താമസിക്കുന്ന വിജയ് ചൗഹാനാണ് (34) കൊല്ലപ്പെട്ടത്. കൊന്നു കുഴിച്ചുമൂടിയതിനു പിന്നാലെ വിജയ്‌യുടെ സഹോദരൻ അജയ്‌യെ വിളിച്ച് ടൈൽ ഇടണമെന്ന് ഭാര്യ ആവശ്യപ്പെടുകയായിരുന്നു.


കേസിൽ ഭാര്യ ഗുഡിയ ദേവി (ചമൻ – 28), സുഹൃത്തും അയൽവാസിയുമായ മോനു വിശ്വകർമ (20) എന്നിവരെ പൊലീസ് അറസ്റ്റ് ചെയ്തു. കേസ് പരിഗണിച്ച കോടതി കൂടുതൽ ചോദ്യം ചെയ്യലിനായി 30 വരെ ഇരുവരെയും പൊലീസ് കസ്റ്റഡിയിൽ വിട്ടു. 19 മുതൽ ഒളിവിലായിരുന്നു. പുണെയിൽ വച്ചായിരുന്നു അറസ്റ്റ്.

‘‘കുറച്ചു ദിവസങ്ങൾക്കു മുൻപ് ഗുഡിയ വിളിച്ചപ്പോൾ വിജയ് ദേഷ്യത്തിൽ വീട്ടിൽനിന്ന് ഇറങ്ങിപ്പോയെന്നു പറഞ്ഞു. പൈപ്പിന്റെ പണി നടന്നതിനാൽ ചില ടൈലുകൾ പൊട്ടിപ്പോയെന്നും അതു മാറ്റിയിടാൻ വരണമെന്നും എന്നോടു പറഞ്ഞു’’ – നാലു സഹോദരങ്ങളിൽ ഏറ്റവും മുതിർന്നയാളായ അജയ് പറഞ്ഞു. പലവട്ടം ഫോൺ ചെയ്തെങ്കിലും ജൂലൈ 19നാണ് അജയ്ക്ക് ടൈൽ ഇടാൻ എത്താനായത്. രണ്ടു ദിവസങ്ങൾക്കുശേഷം പൊലീസ് മൃതദേഹം കണ്ടെടുത്തു. 

ജൂലൈ അഞ്ചിനോ ആറിനോ ആകാം കൊലപാതകം നടന്നതെന്ന് പൊലീസ് പറഞ്ഞു. ഭർത്താവിന്റെ ബാങ്ക് അക്കൗണ്ടിൽനിന്നു ഘട്ടംഘട്ടമായി പണം അപഹരിച്ചതിനുശേഷം സുഹൃത്തിന്റെ സഹായത്തോടെ കൊലപ്പെടുത്തുകയായിരുന്നു എന്നാണ് പൊലീസിന്റെ പ്രാഥമിക നിഗമനം. തുടർച്ചയായി ഫോണിൽ വിളിച്ചിട്ടും പ്രതികരണം ലഭിക്കാതായതോടെ അജയ് ചൗഹാന്റെ മറ്റൊരു സഹോദരൻ അഖിലേഷ് നടത്തിയ അന്വേഷണമാണു ക്രൂരമായ കൊലപാതകം വെളിച്ചത്തുകൊണ്ടുവന്നത്. 

‘‘വിജയ് എന്തുകൊണ്ട് ഫോൺ എടുക്കുന്നില്ലെന്ന് ഗുഡിയയോട് ചോദിച്ചപ്പോൾ പുതിയ ഫോൺ വാങ്ങിയെന്നും ദേഷ്യപ്പെട്ടാണ് വീട്ടിൽനിന്നു ജോലി ചെയ്യുന്ന കണ്ടിവാലിയിലേക്കു പോയതെന്നുമായിരുന്നു മറുപടി. എന്നാൽ അവിടെ അന്വേഷിച്ചപ്പോൾ എട്ടു ദിവസങ്ങൾക്കു മുൻപ് ജോലി വിട്ടെന്ന മറുപടിയാണ് ലഭിച്ചത്’’ – അജയ് പറഞ്ഞു

🔰അനാവശ്യ പ്രതികരണങ്ങൾ ഒഴിവാക്കുക
ഡെയ്‌ലി മലയാളി  ന്യൂസ്,  www.dailymalayaly.com വാർത്തകൾ 💬 അയയ്ക്കാൻ | ☎: +918921123196 ☎ +918606657037  പരസ്യങ്ങൾക്ക് | ☎: +918921123196 ☎ +918606657037 | 📩 : dailymalayalyinfo@gmail.com

കേരളത്തിലെ ക്രൈസ്തവ ദേവാലയങ്ങളിൽ എന്താണ് സംഭവിക്കുന്നത്? കരുവാരക്കുണ്ട് സംഭവം ചർച്ചയാകുന്നു!

വിദേശ ആയുധങ്ങൾക്ക് പകരം! ഇന്ത്യയുടെ #M72
 വാർത്തകൾ 💬 നേരത്തെ അറിയൂ .. എല്ലാവരിലേക്കും എത്തിക്കൂ SUBCRIBE         
ഡെയ്‌ലി മലയാളി  ന്യൂസ്,  www.dailymalayaly.com വാർത്തകൾ 💬 അയയ്ക്കാൻ | ☎: +918921123196 ☎ +918606657037  പരസ്യങ്ങൾക്ക് | ☎: +918921123196 ☎ +918606657037 | 📩 : dailymalayalyinfo@gmail.com

buttons=(Accept !) days=(20)

Our website uses cookies to enhance your experience. Learn More
Accept !
×

UCMI Community Portal

Select language or browse our network