ഫ്ലോറിഡ: ലോകമെമ്പാടും ആരാധിക്കുന്ന WWE ഇതിഹാസ ഗുസ്തി താരം ഹൾക്ക് ഹൊഗാൻ 71 വയസ്സില് അന്തരിച്ചു.
ഇന്ന് രാവിലെ ഹൃദയാഘാതത്തെ തുടർന്ന് ഫ്ലോറിഡയിലെ ക്ലിയർവാട്ടറിലുള്ള വീട്ടിൽ വെച്ച് അടിയന്തര സേവന പ്രവർത്തകർ ഹൊഗന് ചികിത്സ നൽകിയെങ്കിലും പിന്നീട് ആശുപത്രിയിൽ വെച്ച് അദ്ദേഹം മരിച്ചു എന്ന് പോലീസ് പറഞ്ഞു.
പ്രൊഫഷണൽ ഗുസ്തിയെ ഒരു കുടുംബ വിനോദ കായിക ഇനമാക്കി മാറ്റാൻ സഹായിച്ചതിന്റെ ബഹുമതി റിങ്ങിലെ അദേഹത്തിന്റെ പ്രകടനം മൂലമാണ്. 1953 ഓഗസ്റ്റ് 11 ന് ജോർജിയയിലെ അഗസ്റ്റയിൽ ടെറി ജീൻ ബൊള്ളിയ എന്ന പേരിൽ ജനിച്ച ഭാവി ഹൾക്കും കുടുംബവും താമസിയാതെ ഫ്ലോറിഡയിലെ ടാമ്പയിലേക്ക് താമസം മാറി.
1985-ൽ നടന്ന ആദ്യത്തെ റെസിൽമാനിയയുടെ പ്രധാന ആകർഷണമായിരുന്നു ഹൊഗാൻ, വർഷങ്ങളോളം അതിന്റെ സിഗ്നേച്ചർ ഇവന്റിൽ ഒരു സ്ഥിരം സാന്നിധ്യമായിരുന്നു അദ്ദേഹം,1984 ൽ അയൺ ഷെയ്ക്കിനെ പരാജയപ്പെടുത്തി അദ്ദേഹം തന്റെ ആദ്യത്തെ WWE ലോക ചാമ്പ്യൻഷിപ്പ് നേടി. തുടർന്ന് അഞ്ച് ലോക ചാമ്പ്യൻഷിപ്പുകൾ കൂടി ഹൊഗൻ നേടി, 2005 ൽ സിൽവസ്റ്റർ സ്റ്റാലോൺ അദ്ദേഹത്തെ WWE ഹാൾ ഓഫ് ഫെയിമിൽ ഉൾപ്പെടുത്തി.
ടെറി ബൊളിയ എന്ന യഥാർത്ഥ പേര് ഉള്ള ഹൊഗാൻ, WWE-യുടെ അഞ്ച് പതിറ്റാണ്ട് ചരിത്രത്തിലെ ഏറ്റവും ഐക്കണിക് താരമായിരിക്കാം. വ്യത്യസ്തമായ സ്വർണ്ണ മീശയ്ക്കും വർണ്ണാഭമായ ഹെഡ്ബാൻഡുകൾക്കും ആരാധകരുടെ ഇടയില് പേരുകേട്ടയാളാണ് അദ്ദേഹം. കൊച്ചു കുട്ടികൾ മുതൽ വലിയ ആളുകൾ വരെ അദേഹത്തിന്റെ ഫോട്ടോ ഒരു നോക്ക് കാണാന് കൊതിയോടെ സ്വന്തം കളക്ഷന് ബുക്കില് ഒളിച്ച് സൂക്ഷിച്ചു.
2024-ൽ, ഡൊണാൾഡ് ട്രംപിന്റെ പ്രസിഡന്റ് സ്ഥാനാർഥിത്വത്തെ പിന്തുണയ്ക്കുന്നതിനായി അദ്ദേഹം റിപ്പബ്ലിക്കൻ നാഷണൽ കൺവെൻഷനിൽ പ്രത്യക്ഷപ്പെട്ടു.
പ്രചാരണത്തിനിടെയുണ്ടായ ഒരു കൊലപാതകശ്രമത്തോടുള്ള റിപ്പബ്ലിക്കൻ സ്ഥാനാർത്ഥിയുടെ പോരാട്ടവീര്യവും മുഷ്ടി ചുരുട്ടിയുള്ള പ്രതികരണവും കണ്ട ശേഷമാണ് അദ്ദേഹത്തെ പിന്തുണയ്ക്കാൻ തീരുമാനിച്ചതെന്ന് ഹൊഗാൻ പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.