ബിജെപി സംസ്ഥാന കമ്മിറ്റി ഓഫിസ് ഉദ്ഘാടനം കേന്ദ്ര ആഭ്യന്തരമന്ത്രി അമിത്ഷാ നിർവഹിച്ചു
0DAILY MEDIA DESK 1ശനിയാഴ്‌ച, ജൂലൈ 12, 2025
തിരുവനന്തപുരം : ബിജെപി സംസ്ഥാന കമ്മിറ്റി ഓഫിസ് ഉദ്ഘാടനം കേന്ദ്ര ആഭ്യന്തരമന്ത്രി അമിത്ഷാ നിർവഹിച്ചു. ദീന്‍ദയാല്‍ ഉപാധ്യയുടെയും ശ്യാമപ്രസാദ് മുഖര്‍ജിയുടെയും ചിത്രങ്ങള്‍ക്കു മുന്നില്‍ നിലവിളക്ക് തെളിയിച്ച ശേഷം ഓഫിസ് വളപ്പില്‍ അമിത് ഷാ വൃക്ഷത്തെ നട്ടു.
കെ.ജി. മാരാരുടെ അര്‍ധകായ വെങ്കല പ്രതിമയില്‍ അമിത് ഷാ ഹാരാര്‍പ്പണം നടത്തി. അതിനുശേഷം പാര്‍ട്ടി അധ്യക്ഷന്റെ മുറിയില്‍ മുതിര്‍ന്ന നേതാക്കളുമായി കൂടിക്കാഴ്ച നടത്തി. സംസ്ഥാന കാര്യാലയത്തിലെ ചടങ്ങുകള്‍ക്കു ശേഷം പുത്തരിക്കണ്ടം മൈതാനത്തെത്തി നേതൃസംഗമത്തെ അഭിസംബോധന ചെയ്യും. തലസ്ഥാനത്തെത്തിയ അമിത് ഷായെ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിന്റെ നേതൃത്വത്തിൽ സ്വീകരിച്ചു.
പുത്തരിക്കണ്ടം മൈതാനത്തു നേതൃസംഗമത്തിൽ തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളിലെ 5000 വാർഡ് സമിതികളിലെ 25,000 പേർ പങ്കെടുക്കും. മറ്റു ജില്ലകളിലെ അഞ്ചംഗ വാർഡ് സമിതിയിലുള്ളവരും പഞ്ചായത്തു മുതൽ ജില്ലാ തലം വരെയുള്ള നേതാക്കളും വെർച്വലായി സമ്മേളനത്തിൽ പങ്കെടുക്കും. ഒന്നര ലക്ഷത്തോളം പേരാണ് ഇത്തരത്തിൽ സമ്മേളനത്തിന്റെ ഭാഗമാകുന്നതെന്ന് ബിജെപി നേതൃത്വം പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.