ബൈക്ക് യാത്രികരെ ഇടിച്ചിട്ട ശേഷം കടന്നുകളഞ്ഞ ഓട്ടോ ഡ്രൈവര്‍ ദിവസങ്ങള്‍ക്ക് ശേഷം പിടിയില്‍
0DAILY MEDIA DESK 1വെള്ളിയാഴ്‌ച, ജൂലൈ 25, 2025
കോഴിക്കോട്: ബൈക്ക് യാത്രികരെ ഇടിച്ചിട്ട ശേഷം കടന്നുകളഞ്ഞ ഓട്ടോ ഡ്രൈവര്‍ ദിവസങ്ങള്‍ക്ക് ശേഷം പിടിയില്‍. കോഴിക്കോട് പുതിയറ സ്വദേശി അനൂപി(35)നെയാണ് കസബ പൊലീസ് പിടികൂടിയത്. കഴിഞ്ഞ 13-ാം തിയ്യതിയാണ് അപകടമുണ്ടായത്.
കണ്ണൂര്‍ സ്വദേശിയായ യുവാവും സുഹൃത്തായ പെണ്‍കുട്ടിയും ബുള്ളറ്റ് ബൈക്കില്‍ സഞ്ചരിക്കുമ്പോൾ പാളയത്തുവെച്ച് അനൂപ് ഓടിച്ച ഗുഡ്‌സ് ഓട്ടോ ഇടിക്കുകയായിരുന്നു. അപകടം നടന്ന ശേഷം വാഹനം നിര്‍ത്താതെ ഇയാൾ സംഭവസ്ഥലത്ത് നിന്ന് കടന്നുകളഞ്ഞു. ഗുരുതരമായി പരിക്കേറ്റ യുവാവും യുവതിയും ആശുപത്രിയില്‍ ചികിത്സയിലായിരുന്നു. പരിസരത്തെ കടകളിലുള്ള സിസിടിവി ദൃശ്യങ്ങള്‍ പരിശോധിച്ചാണ് പൊലീസ് പ്രതിയിലേക്കെത്തിയത്. കസബ ഇന്‍സ്‌പെക്ടര്‍ ജിമ്മിയുടെ നേതൃത്വത്തില്‍ എസ്‌ഐ രാംദാസ്, എഎസ്‌ഐമാരായ സജേഷ് കുമാര്‍, സീനിയര്‍ സിവില്‍ പൊലീസ് ഓഫീസര്‍ രഞ്ജിത്ത്, സിവില്‍ പൊലീസ് ഓഫീസര്‍ സന്ദീപ് എന്നിവര്‍ ചേര്‍ന്നാണ് അനൂപിനെ പിടികൂടിയത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.