സംവിധായിക ഐഷ സുൽത്താന വിവാഹിതയായി : അഗത്തി ദ്വീപുകളിലെ ഡെപ്യൂട്ടി കളക്ടറായിരുന്ന ഹർഷിത് സൈനിയാണ് വരൻ

സംവിധായിക ഐഷ സുൽത്താന വിവാഹിതയായി. അന്ത്രോത്ത്, അഗത്തി ദ്വീപുകളിലെ ഡെപ്യൂട്ടി കളക്ടറായിരുന്ന ഹർഷിത് സൈനിയാണ് വരൻ. ഏറെക്കാലമായി പ്രണയത്തിലായിരുന്ന ഇരുവരുടേയും വിവാഹ രജിസ്ട്രേഷൻ ഡൽഹിയിൽ വെച്ചായിരുന്നു.

ഐഷയുടേയും ഹർഷിതിന്റേയും വിവാഹവാർത്ത നേരത്തെ വാട്സാപ്പ് ​ഗ്രൂപ്പുകളിലും സാമൂഹ്യമാധ്യമങ്ങളിലും പ്രചരിച്ചിരുന്നു. ഇതിന് പിന്നാലെ സംവിധായിക തന്നെ വിവാഹവിവരം സ്ഥിരീകരിച്ചു. പിന്നീട്, വിവാഹച്ചടങ്ങളുകളുണ്ടാകും എന്നാണ് റിപ്പോർട്ട്.

വിവിധ സാമൂഹിക വിഷയങ്ങളിൽ സാമൂഹ്യമാധ്യമങ്ങളിലൂടെയും അല്ലാതെയും പ്രതികരിച്ചതിലൂടെയാണ് ഐഷ ലക്ഷദ്വീപിന് പുറത്ത് ശ്രദ്ധനേടുന്നത്. വിവാദ പരാമർശത്തിന്റെ പേരിൽ ഒട്ടേറെ കേസുകളും നേരിടേണ്ടി വന്നിരുന്നു.