ഷാര്ജ: കൊല്ലം സ്വദേശിനിയെ ഷാര്ജയില് മരിച്ചനിലയില് കണ്ടെത്തി.
.webp)
തേവലക്കര തെക്കുംഭാഗം കോയിവിള സ്വദേശിനി തട്ടാന്റെ വടക്കയില് 'അതുല്യ ഭവന' ത്തില് അതുല്യ ശേഖറി (30) നെയാണ് ഷാര്ജയിലെ താമസസ്ഥലത്ത് മരിച്ചനിലയില് കണ്ടെത്തിയത്.
ഒരു വര്ഷമായി ഷാര്ജയില് താമസിക്കുകയായിരുന്നു. ശനിയാഴ്ച സഫാരി മാളില് പ്രവര്ത്തിക്കുന്ന ഒരു സ്ഥാപനത്തില് പുതുതായി ജോലിയില് പ്രവേശിക്കേണ്ടതായിരുന്നു. ദുബായിലെ അരോമ കോണ്ട്രാക്ടിങ് കമ്പനിയിലെ ജീവനക്കാരനായ സതീഷ് ശങ്കറിന്റെ ഭാര്യയാണ്. ദുബായിലെ കെട്ടിടനിർമാണ കമ്പനിയിൽ എൻജിനീയറായ ഭർത്താവ് സതീഷ് അതുല്യയെ ക്രൂരമായി ആക്രമിച്ചിരുന്നുവെന്നും അതുല്യയുടെ വീട്ടുകാർ പറയുന്നു. ഇതിന് പിന്ബലമായി വിവിധ വീഡിയോകളും പുറത്ത് വരുന്നുണ്ട്. ഭർത്താവ് ഉപദ്രവിക്കുന്ന ദൃശ്യങ്ങൾ വീഡിയോയില് ഉണ്ട്. മരണത്തിന് തൊട്ട് മുന്പുള്ള ദിവസം ചില ചിത്രങ്ങളും വിഡിയോകളും അടുത്ത ബന്ധുവിന് അതുല്യ അയച്ചു നല്കിയിരുന്നു. കമ്പനിയിൽ എൻജിനീയറായ ഭർത്താവ് സതീഷ് അതുല്യയെ ക്രൂരമായി ആക്രമിച്ചിരുന്നുവെന്ന് വ്യക്തമാക്കുന്നതാണ് പുറത്ത് വന്ന വിഡിയോകള്.
ആ വീട്ടില് അതുല്യ അനുഭവിച്ചിരുന്ന മാനസിക, ശാരീരിക പീഡനം വ്യക്തമാക്കുന്ന വിഡിയോകളാണ് പുറത്ത് വന്നിരിക്കുന്നത്. അതുല്യയുടെ ശരീരത്തില് മര്ദനമേറ്റ നിരവധി പാടുകള് കാണാം. വിഡിയോകളില് അതുല്യ ഉച്ചത്തില് നിലവിളിക്കുന്ന ശബ്ദവും കേള്ക്കാം. സൈക്കോയെപ്പോലെയാണ് വിഡിയോകളില് ഭര്ത്താവ് പെരുമാറുന്നത്. ആക്രമണ സമയത്ത് പരസ്പര ബന്ധമില്ലാത്ത എന്തൊക്കെയോ കാര്യങ്ങള് പറയുന്നുമുണ്ട്.
മകളുടെ മരണത്തിന് പിന്നാലെ, ചവറ തെക്കുംഭാഗം പൊലീസില് പരാതിയുമായി മാതാപിതാക്കള് എത്തിയിട്ടുണ്ട്. അതുല്യയുടെ ഭര്ത്താവ് സതീഷ് സ്ഥിരം മദ്യപിക്കുന്നയാളാണെന്നും, മദ്യപിച്ചാൽ അതുല്യയെ ദേഹോപദ്രവം ഏൽപ്പിക്കാറുണ്ടെന്നും പറഞ്ഞിരുന്നതായി ബന്ധുക്കൾ ആരോപിക്കുന്നു.
ദമ്പതികളുടെ ഏക മകള് ആരാധിക(10) അതുല്യയുടെ പിതാവ് രാജശേഖരന് പിള്ള, മാതാവ് തുളസിഭായ് പിള്ള എന്നിവരുടെ കൂടെ നാട്ടിലെ സ്കൂളിലാണ് പഠിക്കുന്നത്.
ഏകസഹോദരി അഖില ഗോകുല് ഷാര്ജയില് ഇവരുടെ ഫ്ളാറ്റിനടുത്ത് തന്നെയാണ് താമസിക്കുന്നത്. ഷാര്ജ ഫോറന്സിക് വിഭാഗത്തിലുള്ള മൃതദേഹം നടപടികള്ക്ക് ശേഷം നാട്ടിലേയ്ക്ക് കൊണ്ടുപോകും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.