ജാക്ക് ഹാമർ മെഷീനുകൾ മോഷ്ടിച്ച പ്രതികൾ പിടിയിൽ

ആറ്റിങ്ങൽ: ജാക്ക് ഹാമർ മെഷീനുകൾ മോഷ്ടിച്ച 2 പേർ ആറ്റിങ്ങൽ പൊലീസിൻ്റെ പിടിയിലായി.

അവനവഞ്ചേരി പോളീടെക്നികിനു സമീപം മെട്രോ നഗറിൽ കോണത്ത് വീട്ടിൽ മുഹമ്മദ് യൂസഫ് (23), കല്ലറ തണ്ണിയം ദേശത്ത് പനച്ചമൂട് കിഴക്കുകര പുത്തൻ വീട്ടിൽ ഉണ്ണികുട്ടൻ എന്ന അഭിഷേക് ( 21) എന്നിവരാണ് അറസ്റ്റിലായത്.കൊല്ലമ്പുഴ തോട്ടവാരം ഷീജഭവൻ വീട്ടിൽ സൂക്ഷിച്ചിരുന്ന 3 ജാക്ക് ഹാമർ മെഷീനുകൾ വീടു കുത്തി തുറന്ന് മോഷണം ചെയ്തെടുത്ത് ആട്ടോറിക്ഷയിൽ കയറ്റി കൊണ്ട് പോയ കേസിലാണിവർ അറസ്റ്റിലായത്.

ഇതിന് ഒന്നേകാൽ ലക്ഷത്തോളം രൂപ വിലയുണ്ട്. മെഷീനുകൾ വെഞ്ഞാറമൂട് ഉള്ള ആക്രിക്കടയിൽ വിൽക്കുകയായിരുന്നു. നിരവധി മോഷണക്കേസുകളിൽ പ്രതികളായ ഇരുവരെയും ആറ്റിങ്ങൽ എസ്.എച്ച്.ഒ അജയൻ .ജെ യുടെ നേതൃത്വത്തിൽ എസ്.ഐ മാരായ ജിഷ്ണു, ബിജു ഹക്ക്, എ.എസ്.ഐ മാരായ ശരത് കുമാർ, ശ്യാംലാൽ, ജിഹാനിൽ ഹക്കിം എസ്.സി. പി. ഒ മാരായ ഷാജി, മഹേഷ്, സി.പി.ഒ' മാരായ സയ്യദ് അലി ഖാൻ, വിഷ്ണുലാൽ എന്നിവരടങ്ങിയ സംഘം അറസ്റ്റ് ചെയ്യുകയായിരുന്നു. അറസ്റ്റിലായ പ്രതികളെ കോടതിയിൽ ഹാജരാക്കി റിമാൻറു ചെയ്തു.