ലക്നൗ: ഉത്തർപ്രദേശിലെ നോയിഡയിലുള്ള സെക്ടർ 87-ൽ ആൾപാർപ്പുളള നാലുനില കെട്ടിടത്തിൽ തീപ്പിടുത്തം. ചൊവ്വാഴ്ചയോടെയായിരുന്നു സംഭവം. ഒന്നാംനിലയിലെ പാചക വാതക സിലിണ്ടറിന് തീപ്പിടിച്ചതാണ് അപകട കാരണം.
കെട്ടിടത്തിൽ പുക ഉയർന്നതോടെ താമസക്കാരെല്ലാം ഏറ്റവും മുകളിലത്തെ നിലയിലേക്കോടി. സംഭവസമയത്ത് നൂറോളം പേർ കെട്ടിടത്തിലുണ്ടായിരുന്നതായാണ് റിപ്പോർട്ട്. ഇവരെയെല്ലാം രക്ഷപ്പെടുത്തി. പരിക്കുകളോ ആളപായമോ റിപ്പോർട്ട് ചെയ്തിട്ടില്ല.
ചെവ്വാഴ്ച രാത്രി 11.24-നാണ് തീപ്പിടുത്തത്തെ കുറിച്ച് അഗ്നിരക്ഷാസേനയ്ക്ക് വിവരം ലഭിക്കുന്നത്. സംഭവ സ്ഥലത്തെത്തിയ അഗ്നിരക്ഷാസേന പടിക്കെട്ടുകളിലൂടെയാണ് കെട്ടിടത്തിലുണ്ടായിരുന്നവരെ രക്ഷപ്പെടുത്തിയത്.
ഏറെനേരത്തെ പരിശ്രമത്തിനൊടുവിൽ തീ നിയന്ത്രണവിധേയമായി. തീപ്പിടുത്തത്തെ തുടർന്നുണ്ടായ നാശനഷ്ടം കണക്കാക്കിയിട്ടില്ല. തീപ്പിടുത്തതിന് പിന്നിലെ യഥാർത്ഥ കാരണം അന്വേഷണത്തിന് ശേഷമേ വ്യക്തമാകൂവെന്ന് അധികൃതർ അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.