ഇന്ത്യക്കാരായ പ്രവാസി വിദ്യാർത്ഥികൾ കൂട്ടത്തോടെ അമേരിക്ക വിടുന്നു...!

വാഷിങ്‌ടൻ; വിവിധ മേഖലകളിലെ പ്രതിസന്ധികൾക്ക്  നയതന്ത്ര നീക്കത്തിലൂടെ പരിഹാരം കാണാൻ ഇന്ത്യയും അമേരിക്കയും. വ്യാപാരം, നയതന്ത്രം, വിദ്യാഭ്യാസം തുടങ്ങിയ മേഖലകളിലാണ് പ്രധാനമായും ചർച്ച നടക്കുക.

വ്യാപാര രംഗത്ത് അമേരിക്ക ഇന്ത്യയിൽ നിന്നുള്ള സ്റ്റീൽ, അലുമിനിയം ഉൽപന്നങ്ങൾക്ക് ഏർപ്പെടുത്താൻ സാധ്യതയുള്ള 50% അധിക നികുതി സംബന്ധിച്ച് ആശങ്കകൾ നിലനിൽക്കുന്നു. ഇത് ഒഴിവാക്കുന്നതിനായി ഇരു രാജ്യങ്ങളും തമ്മിലുള്ള സ്വതന്ത്ര വ്യാപാര കരാർ (FTA) ചർച്ചകൾക്ക് പ്രാധാന്യം നൽകണമെന്ന് ഗ്ലോബൽ ട്രേഡ് റിസർച്ച് ഇനിഷ്യേറ്റീവ് (GTRI) ഇന്ത്യയോട് നിർദ്ദേശിച്ചു. 

പ്രതികാര നടപടികളോ ലോക വ്യാപാര സംഘടനയെ (WTO) സമീപിക്കുന്നതോ ഒഴിവാക്കി ചർച്ചകളിലൂടെ പരിഹാരം കാണാനാണ് ശ്രമം. ഇരു രാജ്യങ്ങളും തമ്മിൽ  ഇടക്കാല വ്യാപാര കരാറിനായുള്ള ചർച്ചകൾ പുരോഗമിക്കുകയാണ്. ജൂൺ അവസാനത്തോടെ ഈ കരാർ യഥാർഥ്യമാക്കാനാണ് ലക്ഷ്യമിടുന്നത്.

അമേരിക്കൻ ഉദ്യോഗസ്ഥരുടെ സംഘം ഈയാഴ്ച ഇന്ത്യയിലെത്തി ചർച്ചകളിൽ പങ്കെടുക്കുമെന്നാണ് പ്രതീക്ഷിക്കുന്നത്. ഏപ്രിൽ രണ്ടിന് അമേരിക്ക പ്രഖ്യാപിച്ച അധിക നികുതി പൂർണ്ണമായും പിൻവലിക്കണമെന്ന് ഇന്ത്യ ആവശ്യപ്പെടുന്നുണ്ട്. ഇന്ത്യൻ ഉൽപന്നങ്ങൾക്ക്, പ്രത്യേകിച്ച് തുണിത്തരങ്ങൾ, പാദരക്ഷകൾ തുടങ്ങിയവയ്ക്ക് അമേരിക്കൻ വിപണിയിൽ നികുതിയിളവ് ലഭിക്കുന്നതിനും ഇന്ത്യ ശ്രമിക്കുന്നുണ്ട്. 

അതേസമയം, നയതന്ത്രപരമായ തലത്തിൽ ഫെഡറൽ കോടതിയിൽ യുഎസ് വാണിജ്യ സെക്രട്ടറി ഹോവാർഡ് ലൂട്നിക നൽകിയ സത്യവാങ്മൂലം പുതിയ ചർച്ചകൾക്ക് വഴിവെച്ചിട്ടുണ്ട്. ഇന്ത്യയും പാക്കിസ്ഥാനും തമ്മിലുള്ള സംഘർഷം ലഘൂകരിക്കുന്നതിൽ വ്യാപാര കരാറുകൾ ഉപാധിയായി ഉപയോഗിച്ചു എന്ന വെളിപ്പെടുത്തലാണ് ഇത്. നേരത്തെ ട്രംപ് ഭരണകൂടം ഉന്നയിച്ച ഈ അവകാശവാദം ഇന്ത്യ തള്ളിക്കളഞ്ഞിരുന്നു.

ഇതിന് പുറമെ ഓപ്പറേഷൻ സിന്ദൂറിന്റെ ഭാഗമായി 33 രാജ്യങ്ങൾ സന്ദർശിച്ച ഇന്ത്യൻ പ്രതിനിധി സംഘം പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തും. ഭീകരവാദത്തിനെതിരെയുള്ള ഇന്ത്യയുടെ നിലപാടും ആഗോളതലത്തിലുള്ള പ്രതികരണങ്ങളും യോഗത്തിൽ ചർച്ചയാകും. 

വിദേശകാര്യ മന്ത്രി എസ്. ജയശങ്കറുമായും പ്രതിനിധി സംഘം കൂടിക്കാഴ്ച നടത്തിയിരുന്നു. യുഎസ് വീസ നിയന്ത്രണങ്ങൾ കാരണം ഇന്ത്യൻ വിദ്യാർഥികൾ കാനഡ, ജർമനി, ജപ്പാൻ തുടങ്ങിയ രാജ്യങ്ങളിലേക്ക് കൂടുതൽ ആകർഷിക്കപ്പെടുന്നതായും റിപ്പോർട്ടുകളുണ്ട്.