യൂത്ത് കോൺഗ്രസ് പ്രവർത്തകർക്കൊപ്പം പിറന്നാൾ ആഘോഷിച്ച് കൊടുവള്ളി പൊലീസ് ഇൻസ്പെക്ടർ.

കോഴിക്കോട്: കൊടുവള്ളി പൊലീസ് സ്റ്റേഷനിൽ രാഷ്ട്രീയ പ്രവർത്തകർക്കൊപ്പം കേക്ക് മുറിച്ച് പിറന്നാൾ ആഘോഷിച്ച് ഇൻസ്പെക്ടർ. യൂത്ത് കോൺഗ്രസ് പ്രവർത്തകരുടെ നേതൃത്വത്തിലായിരുന്നു ആഘോഷം.

സമൂഹമാധ്യങ്ങളിലൂടെ യൂത്ത് കോൺഗ്രസ് പ്രവർത്തകർ തന്നെയാണ് ദൃശ്യങ്ങൾ പുറത്ത് വിട്ടത്. ഇൻസ്പെക്ടർ കെ പി അഭിലാഷിനെതിരെ താമരശേരി ഡിവൈഎസ്പിക്ക് സ്പെഷ്യൽ ബ്രാഞ്ച് റിപ്പോർട്ട് നൽകി.സി കെ ജലീൽ, പി സി ഫിജാസ് എന്നീ യൂത്ത് കോൺഗ്രസ് കൊടുവള്ളി മണ്ഡലം ഭാരവാഹികളാണ് വീഡിയോ പോസ്റ്റ് ചെയ്തിരിക്കുന്നത്. ഇത്തരമൊരു നടപടി ശരിയല്ലെന്ന് കാണിച്ചാണ് റിപ്പോർട്ട് നൽകിയിരിക്കുന്നത്. ഉദ്യോഗസ്ഥനെതിരെ തുടർ നടപടികൾ ഉണ്ടാകുമെന്നാണ് ലഭിക്കുന്ന സൂചന

.