ലോക പരിസ്ഥിതി ദിനത്തിന്റെ ഭാഗമായി കുറ്റിപ്പാല എഫ് സി ആർട്സ് ആൻഡ് സ്പോർട്സ് ക്ലബ്ബിന്റെ ആഭിമുഖ്യത്തിൽ അനുമോദന സദസ്സും പഠനോപകരണ വിതരണവും നടത്തി

എടപ്പാൾ : ജൂൺ 5 ലോക പരിസ്ഥിതി ദിനത്തിന്റെ ഭാഗമായി കുറ്റിപ്പാല എഫ് സി ആർട്സ് ആൻഡ് സ്പോർട്സ് ക്ലബ്ബിന്റെ ആഭിമുഖ്യത്തിൽ അനുമോദന സദസ്സും പഠനോപകരണ വിതരണവും നടത്തി.

കുറ്റിപ്പാല എസ് വി ജെ ബി സ്കൂളിൽ നടന്ന പരിപാടി സാഫ്‌കോ കൺസ്ട്രക്ഷൻ MD ഷാജി ഉദ്ഘാടനം ചെയ്തു. 

എസ്എസ്എൽസി പ്ലസ് ടു പരീക്ഷകളിൽ ഉന്നത വിജയം കൈവരിച്ച വിദ്യാർത്ഥികളെ ചടങ്ങിൽ ആദരിച്ചു. സ്കൂളിലെ വിദ്യാർഥികൾക്കായി പഠനോപകരണങ്ങളും വിതരണം ചെയ്തു.

വാർഡ് മെമ്പർ അനിത അധ്യക്ഷയായി.രനീഷ്,ഷിനു,അശ്വതി,ബാബു,നിസാർ,സുഭാഷ്,യദു,മോഹിത്,അഷ്‌റഫ്‌ തുടങ്ങിയവർ ആശംസകൾ നേർന്നുകൊണ്ട് സംസാരിച്ചു.

പ്രധാനാധ്യാപിക മീനാബേബി ടീച്ചർ സ്വാഗതം പറഞ്ഞ ചടങ്ങിൽ ഫസീല ടീച്ചർ നന്ദി രേഖപ്പെടുത്തി.