ന്യൂഡല്ഹി: ഭീകരപ്രവര്ത്തനത്തിന് കാനഡയില് അറസ്റ്റിലായ പാകിസ്താന് പൗരന് മുഹമ്മദ് ഷഹസേബ് ഖാനെ യുഎസിന് കൈമാറിയതായി ഫെഡറല് ബ്യൂറോ ഓഫ് ഇന്വെസ്റ്റിഗേഷന്(എഫ്ബിഐ) ചൊവ്വാഴ്ച സ്ഥിരീകരിച്ചു. ഇസ്ലാമിക് സ്റ്റേറ്റിന്റെ (ഐഎസ്) പിന്തുണയോടെ ബ്രൂക്ക്ലിനിലെ ജൂതകേന്ദ്രത്തില് 2024 ഒക്ടോബര് ഏഴിന് ആക്രമണം നടത്താന് പദ്ധതിയിട്ടതിനാണ് മുഹമ്മദ് ഷഹസേബ് ഖാനെ എഫ്ബിഐ അറസ്റ്റ് ചെയ്തത്.
ഇസ്രയേലിന് നേര്ക്ക് ഹമാസ് ആക്രമണം നടത്തിയതിന്റെ ഒന്നാം വാര്ഷികദിനത്തില് ആക്രമണം നടത്താനായിരുന്നു ഷഹസേബ് ഖാന്റെ പദ്ധതി. ഷഹസേബിനെ യുഎസിന് കൈമാറിയതായും ഖാന് അമേരിക്കന് നിയമനടപടികള് നേരിടേണ്ടി വരുമെന്നും എഫ്ബിഐ ഡയറക്ടര് കാഷ് പട്ടേല് എക്സ് പ്ലാറ്റ്ഫോമിലൂടെ അറിയിച്ചു.
യുഎസിന്റെയും കാനഡയുടെയും സംയുക്തപ്രവര്ത്തനത്തിലൂടെയാണ് ഷഹസേബ് ഖാന്റെ പദ്ധതി തകര്ക്കാനായതെന്ന് പട്ടേല് വ്യക്തമാക്കി. വിശ്വസ്തരെന്ന് കരുതി ഷഹസേബ് ഖാന് തന്റെ പദ്ധതിയെ കുറിച്ച് ചില വ്യക്തികളോട് സംസാരിച്ചതായും എന്നാല് അവര് അന്വേഷണ ഉദ്യോഗസ്ഥരായിരുന്നുവെന്നും ഫെഡറല് പ്രോസിക്യൂട്ടേഴ്സ് അറിയിച്ചു. കുറ്റം തെളിയിക്കപ്പെട്ടാല് ഖാന് ജീവപര്യന്തം തടവ് ശിക്ഷ ലഭിച്ചേക്കാം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.