ഇന്ത്യൻ വിദ്യാർഥി വിയറ്റ്നാമിൽ വാഹനാപകടത്തിൽ മരിച്ചു

ഹനോയ്:  ഇന്ത്യൻ മെഡിക്കൽ വിദ്യാർഥി വിയറ്റ്നാമിൽ വാഹനാപകടത്തിൽ മരിച്ചു.

കാൻ തോ സിറ്റിയിലെ മൂന്നാം വർഷ എംബിബിഎസ് വിദ്യാർഥിയായ തെലങ്കാനയിൽ നിന്നുള്ള അർഷിദ് അഷ്‌റഫാണ് (21) മരിച്ചത്. കോമരം ഭീം ആസിഫാബാദ് ജില്ലയിലെ താമസക്കാരായ തുണി വ്യാപാരി അർഷിദ് അർജുന്റെയും പ്രതിമയുടെയും മകനാണ്.

അമിത വേഗതയിൽ സഞ്ചരിക്കുകയായിരുന്ന മോട്ടർ ബൈക്ക് ഒരു വീടിന്റെ മതിലിൽ ഇടിച്ചാണ് അപകടമുണ്ടായത്. ഇന്നലെ രാവിലെ അഷ്‌റഫ് സുഹൃത്തിനൊപ്പം മോട്ടർ ബൈക്കിൽ സഞ്ചരിക്കുന്നതിനിടെ വാഹനം നിയന്ത്രണം വിട്ട് മതിലിൽ ഇടിക്കുകയായിരുന്നു. അഷ്‌റഫ് സംഭവസ്ഥലത്ത് വെച്ച് തന്നെ മരിച്ചു, കൂടെയുണ്ടായിരുന്ന സുഹൃത്തിന് ഗുരുതരമായി പരുക്കേറ്റു.