നെയ്യാര്‍ റിസര്‍വോയറില്‍ കുളിക്കാനിറങ്ങിയ വിദ്യാര്‍ത്ഥി മുങ്ങിമരിച്ചു

തിരുവനന്തപുരം: നെയ്യാര്‍ റിസര്‍വോയറില്‍ കുളിക്കാനിറങ്ങിയ വിദ്യാര്‍ത്ഥി മുങ്ങിമരിച്ചു.

തുമ്പ സ്വദേശി ആദിത്യനാണ് (20) മരിച്ചത്. ചാക്ക ഗവണ്‍മെന്റ് ഐടിഐയിലെ വിദ്യാര്‍ത്ഥിയാണ്. ആദിത്യനുള്‍പ്പെട്ട 12 അംഗ സംഘം അവധി ആഘോഷിക്കാനായി അമ്പൂരി എരപ്പ കുഴിയില്‍ എത്തിയതായിരുന്നു.

റിസര്‍വോയറിന്റെ അടിത്തട്ടിലെ പാറയില്‍ തലതട്ടിയായിരുന്നു അപകടമുണ്ടായത്. മൃതദേഹം തിരുവനന്തപുരം മെഡിക്കല്‍ കോളേജ് ആശുപത്രിയിലേക്ക് മാറ്റി.