വരാണസി: റെയിൽവെയിൽ ടിടിഇ ചമഞ്ഞ് തട്ടിപ്പ് നടത്തുകയും യാത്രക്കാർക്ക് വ്യാജ ടിക്കറ്റുകൾ നൽകി കബളിപ്പിക്കുകയും ചെയ്ത യുവാവിനെ പൊലീസ് പിടികൂടി. മദ്ധ്യപ്രദേശിലെ റേവ സ്വദേശിയായ ആദർശ് ജെയ്സ്വാളാണ് പിടിയിലായത്. ഇയാളുടെ തട്ടിപ്പുകൾ സംബന്ധിച്ച് നിരവധി പരാതികൾ റെയിൽവെ പൊലീസിന് ലഭിച്ചിരുന്നു. ഈസ്റ്റ് സെൻട്രൽ റെയിൽവെയുടെ വ്യാജ തിരിച്ചറിയൽ കാർഡും ടിടിഇമാരുടെ ഏപ്രണും ഇയാളിൽ നിന്ന് പിടിച്ചെടുത്തു.
ജ്യോതി കിരൺ എന്ന ഈ യാത്രക്കാരിയുടെ ടിക്കറ്റിൽ കോച്ച് നമ്പർ ബി-3 എന്നാണ് രേഖപ്പെടുത്തിയിരുന്നത്. എന്നാൽ സ്റ്റേഷനിലെത്തിയപ്പോഴാണ് അങ്ങനെയൊരു കോച്ച് ഇല്ലെന്നും കോച്ച് നമ്പർ എം-2 എന്നാണെന്നും മനസിലായത്. ഇതേ തുടർന്ന് ഇവരുടെ സഹോദരൻ പൊലീസിൽ പരാതി നൽകി.
മറ്റൊരു സംഭവത്തിൽ ദിനേഷ് യാദവ് എന്നൊരു യാത്രക്കാരന് മുംബൈയിലേക്ക് ഇ-ടിക്കറ്റ് എടുത്ത് കൊടുത്തതിലും ചില വ്യത്യാസങ്ങൾ കണ്ടെത്തിയതിനെ തുടർന്ന് ഇയാൾ സംശയം പ്രകടിപ്പിച്ചു. രണ്ട് യാത്രക്കാരും പണം തിരികെ ആവശ്യപ്പെട്ട് ഇയാളുമായി തർക്കിച്ചു. വ്യാജ ടിക്കറ്റുകളുണ്ടാക്കി യാത്രക്കാരെ കബളിപ്പിച്ചിരുന്നതായി പൊലീസ് പറയുന്നു. ഇയാൾക്കെതിരെ കേസ് രജിസ്റ്റർ ചെയ്തിട്ടുണ്ട്. അന്വേഷണം തുടരുകയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.