കഞ്ചാവും കള്ളനോട്ടും തോക്കുമായി മൂന്നുപേർ പൊലീസ് പിടിയിൽ; സംഘത്തിൽ പെൺകുട്ടിയും

തിരുവനന്തപുരം: തിരുവനന്തപുരം പോത്തൻകോട് കഞ്ചാവും കള്ളനോട്ടും തോക്കുമായി മൂന്നുപേർ പൊലീസ് കസ്റ്റഡിയിൽ.

പോത്തൻകോട് സ്വദേശികളായ രാം വിവേക് , അഭിൻലാൽ, ഋഷിൻ എന്നിവരെയാണ് പൊലീസ് കസ്റ്റഡിയിലെടുത്തത്. കാപ്പാ കേസിലെ പ്രതിയെ അന്വേഷിച്ചെത്തിയ പോത്തൻകോട്, നെടുമങ്ങാട് സ്റ്റേഷനുകളിൽ നിന്നുള്ള പൊലീസുകാരാണ് മൂന്നു പേരെയും കസ്റ്റഡിയിലെടുത്തത്.

പോത്തൻകോട് കരൂർ ഇടത്താട് രാം വിവേകിന്റെ വീട്ടിൽ കൂടെയുണ്ടായിരുന്ന പെൺകുട്ടിയെ പൊലീസ് ചോദ്യം ചെയ്തു വിട്ടയച്ചു.