ഇടുക്കിയിൽ ഏലത്തോട്ടത്തിനുള്ളിൽ കടുവയെ ചത്ത നിലയിൽ കണ്ടെത്തി

വണ്ടിപ്പെരിയാർ∙ രാജമുടിയിലെ ഏലത്തോട്ടത്തിൽ കടുവയെ ചത്ത നിലയിൽ കണ്ടെത്തി.

അഞ്ചു വയസ്സ് വരുന്ന പെൺകടുവയുടെതാണ് ജഡമെന്ന് വനപാലകർ സ്ഥിരീകരിച്ചു. തോട്ടത്തിൽ മരുന്ന് തളിക്കാൻ എത്തിയ തൊഴിലാളികൾ കടുവ കിടക്കുന്നതു കണ്ട് ഓടി റോഡിൽ കയറി.

തുടർന്ന് ഇവർ  വനം വകുപ്പിൽ വിവരം അറിയിച്ചു. ആദ്യം വനപാലകരും, പിന്നീട് ഡോക്ടറും എത്തി പരിശോധിച്ച ശേഷം പോസ്റ്റുമോർട്ടത്തിനായി കടുവയുടെ ജഡം തേക്കടിയിലേക്കു മാറ്റി.