സാങ്കേതികവിദ്യകൾ യുദ്ധങ്ങളിൽ നിർണായകമാണ്. ഒന്നാം ലോകയുദ്ധകാലത്ത് ടാങ്കുകളും എയർക്രാഫ്റ്റുകളുമായിരുന്നെങ്കിൽ രണ്ടാം ലോകയുദ്ധത്തിൽ റഡാറുകളും റോക്കറ്റുകളും മിസൈലുകളും ആണവ ബോംബും പടനിലത്തിലെത്തി. ഈ നൂറ്റാണ്ടിൽ ഡ്രോൺ ആയുധ സാങ്കേതികവിദ്യ വലിയ കുതിച്ചുചാട്ടത്തിലാണ്. 1986ൽ ഡിആർഡിഒ സെന്റർ ഫോർ ആർട്ടിഫിഷ്യൽ ഇന്റലിജൻസ് ആൻഡ് റോബട്ടിക്സ് (കെയ്ർ) എന്ന പ്രത്യേക സ്ഥാപനം സ്ഥാപിച്ചത് ഡ്രോണുകളുടെ വികസനം ലക്ഷ്യം വച്ചാണ്.
മനുഷ്യരില്ലാത്തതിനാൽ അപകടകരമായ ദൗത്യങ്ങളിൽ ഡ്രോണുകൾ പ്രയോജനപ്രദമാണ്. ഒരു പ്രാണിയുടെ മുതൽ വമ്പൻ വിമാനങ്ങളുടെവരെ വലുപ്പമുള്ള ഡ്രോണുകളുണ്ട്. ഇവയുടെ ചട്ടക്കൂട് നിർമിക്കാൻ പ്ലാസ്റ്റിക്കുകളും കോംപസിറ്റ് വസ്തുക്കളുമാണ് ഉപയോഗിക്കുന്നത്.വൈദ്യുതി സംവിധാനങ്ങളാണു ഡ്രോണുകളിൽ ഭൂരിഭാഗത്തെയും പ്രവർത്തിപ്പിക്കുന്നത്. ഇലക്ട്രിക് മോട്ടർ, ബാറ്ററി, പ്രൊപ്പല്ലറുകൾ, കൺട്രോളറുകൾ, മറ്റ് ഉപകരണങ്ങൾ എന്നിവയും ഇവയിലുണ്ട്.
വഹിക്കുന്ന വസ്തുക്കൾ ലക്ഷ്യത്തിലേക്കു തൊടുക്കാൻ ഇവ ആകാശഡ്രോണുകളെ സഹായിക്കുന്നു. അപകടവസ്തുക്കൾ നീക്കംചെയ്യാനും മൈനുകൾ സ്ഥാപിക്കാനും അറ്റകുറ്റപ്പണികൾ നടത്താനുമൊക്കെ ജലാന്തര ഡ്രോണുകളെ ഇവ അനുവദിക്കുന്നു. ഓൺബോർഡ് കംപ്യൂട്ടറുകളാണു ഡ്രോണിന്റെ തലച്ചോറ്, ഇതിൽ ഹാർഡ്വെയറും (മൈക്രോചിപ്പുകൾ, ഡാറ്റ സ്റ്റോറേജ് ഉപകരണങ്ങൾ മുതലായവ) സോഫ്റ്റ്വെയറുകളും ഉൾപ്പെടുന്നു. ഇത് റിമോട്ട് കൺട്രോൾ സ്റ്റേഷനിൽ നിന്നുള്ള കമാൻഡുകളുടെ അടിസ്ഥാനത്തിൽ അല്ലെങ്കിൽ മുൻകൂട്ടി ലോഡ് ചെയ്ത ഡേറ്റയുടെ സഹായത്തിൽ പ്രവർത്തിക്കും. ആധുനിക സ്വയംനിർണയ ഡ്രോണുകൾക്ക് എഐ ശേഷിയുമുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.