തിരുവനന്തപുരം മൃഗശാലയിൽ നിന്നും ബ്ലൂ വിങ്ഡ് മക്കാവോയും,കാട്ടുകോഴിയും പറന്നുപോയി.

തിരുവനന്തപുരം : തിരുവനന്തപുരം മൃഗശാലയിൽ നിന്നും പക്ഷികൾ പറന്നു പോയി. ബ്ലൂ വിങ്ഡ് മക്കാവോയും കാട്ടുകോഴിയുമാണ് പറന്നു പോയത്.

4 ലക്ഷം രൂപ വില വരുന്ന മക്കാവോ ഇന്നലെയാണ് പറന്നു പോയത്. രണ്ടാഴ്ച മുൻപാണ് കാട്ടുകോഴി പറന്നു പോയത്. പക്ഷികൾ പറന്നു പോയത് കീപ്പർമാരുടെ അനാസ്ഥമൂലമാണന്നാണ് പ്രാഥമിക റിപ്പോർട്ട്.

പക്ഷികൾ പറന്നുപോയതോടെ സംഭവം രഹസ്യമാക്കി വെച്ചിരിക്കുകയായിരുന്നു മൃ​ഗശാല അധികൃതർ. പക്ഷികളെ പിടികൂടാൻ ഇതുവരെയും കഴിഞ്ഞിട്ടില്ലെന്ന് മൃഗശാല ഡയറക്ടർ മാധ്യമങ്ങളോട്  പറഞ്ഞത്.