പ്രവാസി മലയാളി യുവതി കൊല്ലപ്പെട്ട നിലയിൽ, കൂടുതൽ വിവരങ്ങൾ പുറത്ത് വിടാതെ പോലീസ്

ദുബൈ: തിരുവനന്തപുരം സ്വദേശിനി ദുബായിൽ മരിച്ചനിലയിൽ. ദുബായിലെ സ്വകാര്യ സ്ഥാപനത്തിലെ ജീവനക്കാരിയായ വിതുര ബോണക്കാട് സ്വദേശിനി ആനിമോൾ ഗിൽഡ(26)യാണ് മരിച്ചത്.

സംഭവം കൊലപാതകമാണെന്ന് ദുബായ് പൊലീസ് അറിയിച്ചു. കരാമയിൽ ഈ മാസം നാലിനായിരുന്നു സംഭവം. കൊലപാതകത്തെക്കുറിച്ച് കൂടുതൽ വിവരങ്ങൾ പുറത്തുവിട്ടിട്ടില്ല. പ്രതി ദുബായ് വിമാനത്താവളത്തിൽവെച്ച് പൊലീസിന്റെ പിടിയിലായതായി വിവരമുണ്ട്.

ജയകുമാർ-ഗിൽഡ ദമ്പതികളുടെ മകളാണ് മരിച്ച ആനിമോൾ. മൃതദേഹം നാട്ടിലേക്ക് കൊണ്ടുപോകുമെന്ന് സാമൂഹിക പ്രവർത്തകരായ സലാം പാപ്പിനിശ്ശേരി, നിഹാസ് ഹാഷിം, ഇൻകാസ് യൂത്ത് വിങ് ദുബായ് ഭാരവാഹികൾ എന്നിവർ അറിയിച്ചു.