ആഭ്യന്തര യുദ്ധത്തെ തുടർന്ന് തകർന്ന സിറിയയുടെ സാമ്പത്തിക മേഖലയുടെ പുനരുദ്ധാരണത്തിനായി സഹായവുമായി സൗദി അറേബ്യയും ഖത്തറും.
വാഷിംഗ്ടൺ ഡി.സി.യിൽ നടന്ന യോഗത്തിലാണ് പുതിയ സഹായധന പ്രഖ്യാപനം നടന്നത്. സിറിയൻ ഉന്നതതല പ്രതിനിധി സംഘം, ജി 7, യൂറോപ്യൻ യൂണിയൻ പ്രതിനിധികൾ എന്നിവരും യോഗത്തിൽ പങ്കെടുത്തിരുന്നു. ഇതോടെ ലോകബാങ്കിന് സിറിയയിലെ സഹായങ്ങൾ പുനരാരംഭിക്കാൻ സാധിക്കും.
സിറിയയിലെ വികസന പ്രവർത്തനങ്ങൾ വേഗത്തിൽ പുനരാരംഭിക്കാനും രാജ്യത്തെ വികസിപ്പിക്കാനും അന്താരാഷ്ട്ര, പ്രാദേശിക ധനകാര്യ സ്ഥാപനങ്ങളോട് സൗദി അറേബ്യയും ഖത്തറും ആഹ്വാനം ചെയ്തിട്ടുണ്ട്. സിറിയൻ ആഭ്യന്തര കലാപത്തിന് പിന്നാലെ രാജ്യത്തിന്റെ ജിഡിപി വൻ രീതിയിൽ തകർന്നിരുന്നു.
2024 ഡിസംബർ 8-ന് ബാഷർ അൽ-അസദിനെ പുറത്താക്കിയതിന് പിന്നാലെയാണ് ആഭ്യന്തര കലാപത്തിന് അവസാനമായത്. നേരത്തെ സിറിയയുടെ പുതിയ പ്രസിഡന്റ് ് അഹമ്മദ് അൽ-ഷാറയും വിദേശകാര്യ മന്ത്രി അസദ് അൽ-ഷൈബാനിയും സൗദി അറേബ്യ, ഖത്തർ, യുഎഇ എന്നീ രാജ്യങ്ങൾ സന്ദർശിക്കുകയും പിന്തുണ തേടുകയും ചെയ്തിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.