തീക്കോയി : തീക്കോയി ഗ്രാമപഞ്ചായത്തിലെ പള്ളിവാതിൽ ചെക്ക് ഡാമിലെ മണലും എക്കലും ചെളിയും നീക്കം ചെയ്യുന്നതിന് നടപടിയായി. ഗ്രാമപഞ്ചായത്ത് ജില്ല ദുരന്തനിവാരണ അതോറിറ്റി അധ്യക്ഷനായ ജില്ലാ കളക്ടർക്ക് നൽകിയ കത്തിന്റെ അടിസ്ഥാനത്തിലാണ് മൈനർ ഇറിഗേഷൻ മണൽ ലേലം ചെയ്തത്.
2003ല്‍ മൈനർ ഇറിഗേഷൻ നിർമ്മിച്ചതാണ് ഈ ചെക്ക് ഡാം. മണലും ചെളിയും നിറഞ്ഞതോടുകൂടി ചെക്ക് ഡാമിന്റെ ജലസംഭരണ ശേഷി വലിയതോതിൽ കുറഞ്ഞിരുന്നു. തീക്കോയിലെ പ്രധാന കുടിവെള്ള സ്രോതസായ ചെക്ക് ഡാമിനോട് അനുബന്ധിച്ച് ജലനിധി പദ്ധതികളും സ്ഥിതി ചെയ്യുന്നു. ചെക്ക് ഡാം നിർമ്മിച്ചതിനുശേഷം നാളിതുവരെയും മണലും ചെളിയും നീക്കം ചെയ്യാതിരുന്നതിനാൽ മഴക്കാലത്ത് വെള്ളപ്പൊക്ക ഭീഷണിയും ഉണ്ട്.
കാലപ്പഴക്കത്താൽ പൊട്ടിപ്പൊളിഞ്ഞ ചെക്ക് ഡാം മെയിന്റനൻസ് ചെയ്യുന്നതിന് ഗ്രാമപഞ്ചായത്ത് ആറുലക്ഷം രൂപ അനുവദിക്കുകയും ജോലികൾ ഭാഗികമായി പൂർത്തീകരിക്കുകയും ചെയ്തിട്ടുണ്ട്.
മഴ നേരത്തെ തുടങ്ങിയതുകൊണ്ട് ആറ്റിൽ ജലനിരപ്പ് ഉയർന്നതിനാൽ ആണ് ചെക്ക് ഡാമിന്റെ മെയിന്റനൻസ് ജോലികൾ പൂർത്തിയാക്കുവാൻ സാധിക്കാത്തത്. ജലനിരപ്പ് കുറയുന്ന സമയത്ത് മെയിന്റനൻസ് ജോലികൾ പൂർത്തീകരിക്കുമെന്നും പ്രസിഡണ്ട് കെ സി ജെയിംസ് അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.