ബെംഗളൂരു : ആരാധകനെ കൊലപ്പെടുത്തിയ കേസിൽ ജാമ്യത്തിലുള്ള നടൻ ദർശൻ തൊഗുദീപയ്ക്ക് സിനിമാ ചിത്രീകരണത്തിനായി ജൂലൈ 1 മുതൽ 27 വരെ വിദേശത്തു പോകാൻ കോടതി അനുമതി നൽകി.
ദുബായ്, യൂറോപ്പ് എന്നിവിടങ്ങളിൽ പോകാൻ അനുമതി തേടി നടൻ ബെംഗളൂരു സിറ്റി സിവിൽ ആൻഡ് സെഷൻസ് കോടതിയെ സമീപിക്കുകയായിരുന്നു. ആരാധകനായ രേണുകസ്വാമിയെ കൊലപ്പെടുത്തിയ കേസിൽ 2–ാം പ്രതിയാണ് ദർശൻ.
നടി പവിത്ര ഗൗഡ ഉൾപ്പെടെ 17 പ്രതികളാണ് കേസിൽ ഉള്ളത്. കഴിഞ്ഞ ഡിസംബറിൽ ജാമ്യം ലഭിച്ചതിനു ശേഷം സിനിമ ചിത്രീകരണങ്ങളിൽ സജീവമാണ് ദർശൻ.
ചിത്രദുർഗ സ്വദേശിയും ആരാധകനുമായ രേണുകാസ്വാമിയെ ദർശനും സംഘവും ബെംഗളൂരുവിലെത്തിച്ചു ക്രൂരമായി മർദിച്ച് കൊലപ്പെടുത്തിയെന്നാണ് കേസ്. ദർശന്റെ സുഹൃത്തായ നടി പവിത്ര ഗൗഡയ്ക്ക് സമൂഹമാധ്യമത്തിൽ അശ്ലീല സന്ദേശമയച്ചതാണു കൊലപാതകത്തിനു കാരണമെന്ന് പൊലീസ് കണ്ടെത്തിയിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.