ഇന്ത്യ - പാക് സംഘര്‍ഷത്തെ തുടര്‍ന്ന് നിര്‍ത്തിവെച്ചിരുന്ന ഐപിഎല്‍ ടൂര്‍ണമെന്റ് പുനരാരംഭിക്കുമ്പോള്‍ രാജസ്ഥാന്‍ റോയല്‍സ് താരം സഞ്ജു സാംസണും മടങ്ങിയെത്തും. പരിക്ക് മാറിയ സഞ്ജു ഫിറ്റ്‌നസ് ടെസ്റ്റ് പാസായതായാണ് റിപ്പോര്‍ട്ടുകള്‍. ഇതോടെ ഞായറാഴ്ച പഞ്ചാബ് കിങ്‌സിനെതിരായ രാജസ്ഥാന്റെ മത്സരത്തില്‍ സഞ്ജു കളിക്കും.
.jpg)
ഡല്‍ഹി ക്യാപ്പിറ്റല്‍സിനെതിരായ മത്സരത്തിലാണ് സഞ്ജു അവസാനമായി കളിച്ചത്. ഡല്‍ഹിക്കെതിരേ 19 പന്തില്‍ നിന്ന് 31 റണ്‍സെടുത്ത് മികച്ച ഫോമില്‍ നില്‍ക്കെയാണ് സഞ്ജു പരിക്കേറ്റ് മടങ്ങിയത്. വിപ്രജ് നിഗത്തിന്റെ പന്തില്‍ കട്ട് ഷോട്ടിന് ശ്രമിച്ച് പരാജയപ്പെട്ടതിനു പിന്നാലെയാണ് ഇടതുവാരിയെല്ലിന്റെ ഭാഗത്ത് സഞ്ജുവിന് വേദന അനുഭവപ്പെട്ടത്. തുടര്‍ന്ന് ടീം ഫിസിയോ താരത്തെ പരിശോധിക്കുകയും വേദനസംഹാരി നല്‍കുകയും ചെയ്തിരുന്നു. തൊട്ടടുത്ത പന്ത് നേരിട്ടതിനു പിന്നാലെ വേദന സഹിക്കാന്‍ സാധിക്കാത്തതിനാല്‍ സഞ്ജു റിട്ടയേര്‍ഡ് ഹര്‍ട്ടായി മടങ്ങുകയായിരുന്നു. സഞ്ജുവിന്റെ മടക്കം മത്സര ഫലത്തെ പോലും ബാധിച്ചു. ടൈ ആയ മത്സരത്തിനു പിന്നാലെ നടന്ന സൂപ്പര്‍ ഓവറില്‍ ഡല്‍ഹി വിജയം നേടുകയായിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.