അമൃത്‌സറിൽ സ്ഫോടനം : സ്ഫോടകവസ്തു കൈകാര്യം ചെയ്യുന്നതിനിടെയാണ് അപകടമെന്നാണ് പൊലീസിന്റെ പ്രാഥമിക നിഗമനം

അമൃത്‌സർ : പഞ്ചാബിലെ അമൃത്‌സറിലുണ്ടായ സ്ഫോടനത്തിൽ ഭീകര സംഘത്തിൽ ഉൾപ്പെട്ടയാളെന്നു സംശയിക്കുന്നയാൾ കൊല്ലപ്പെട്ടു.

പാക്കിസ്ഥാനോടു ചേർന്നുകിടക്കുന്ന നൗഷേര ഗ്രാമത്തിലെ മതിജ റോഡ് ബൈപ്പാസ് മേഖലയിൽ ചൊവ്വാഴ്ച രാവിലെ ഒൻപതരയോടെയായിരുന്നു സംഭവം.

സ്ഫോടകവസ്തു കൈകാര്യം ചെയ്യുന്നതിനിടെയാണ് അപകടമെന്നാണ് പൊലീസിന്റെ പ്രാഥമിക നിഗമനം. കൊല്ലപ്പെട്ടയാളുടെ കൈകൾ സ്ഫോടനത്തിൽ തകർന്നുവെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു.

ഖലിസ്ഥാനി ഭീകരസംഘടനയായ ബബ്ബർ ഖൽസ ഇന്റർനാഷനലിന്റെ ഭീകരനാണ് കൊല്ലപ്പെട്ടതെന്നാണ് സൂചന.