വൈദ്യുതാഘാതമേറ്റ് പ്രവാസി ഇന്ത്യക്കാരൻ സൗദിയിൽ മരിച്ചു

ജുബൈൽ: വൈദ്യുതാഘാതമേറ്റ് പ്രവാസി ഇന്ത്യക്കാരൻ കിഴക്കൻ പ്രവിശ്യയിലെ ജുബൈലിൽ മരിച്ചു.

തമിഴ്‌നാട്, കൂടല്ലൂർ, പണ്രുതി,പെരിയപുരങ്കനി, അമ്മൻകോവിൽ സ്ട്രീറ്റിൽ രാജമുരുകൻ പക്കിരിസാമി(40) ആണ് മരിച്ചത്. വാഹനം കഴുകുന്നതിനിടയിൽ വൈദ്യുതാഘാതമേറ്റതാണ് മരണകാരണമെന്ന് ആശുപത്രി അധികൃതർ സ്ഥിരീകരിച്ചു.

മൃതദേഹം ജുബൈൽ ജനറൽ ആശുപത്രിയിൽ മോർച്ചറിയിൽ സൂക്ഷിച്ചിരിക്കുകയാണ്. പ്രവാസി വെൽഫെയർ ജനസേവന വിഭാഗം കൺവീനർ സലീം ആലപ്പുഴയുടെ നേതൃത്വത്തിൽ നിയമ നടപടികൾ പുരോഗമിക്കുന്നു. പക്കിരിസാമി, മീര എന്നിവരാണ് മാതാപിതാക്കൾ. ഭാര്യ: ശകുന്തളദേവി. മൃതദേഹം നാട്ടിലെത്തിച്ച് സംസ്കാരം പിന്നീട് നടത്തും.