വിഴിഞ്ഞത്ത് അഞ്ചംഗ സംഘം പോയ വള്ളം മുങ്ങി ഒരാൾ മരിച്ചു, രണ്ടു പേരെ കാണാതായി,ഏഴു വള്ളങ്ങള്‍ മടങ്ങിയെത്തിയില്ല

തിരുവനന്തപുരം : കനത്ത മഴയെ തുടര്‍ന്ന് വിഴിഞ്ഞം തീരത്ത് കടുത്ത ആശങ്ക. അഞ്ചംഗ സംഘം പോയ വള്ളം മുങ്ങി ഒരാൾ മരിച്ചു. രണ്ടു പേരെ കാണാതായി.

ഇതിനു പിന്നാലെ വിഴിഞ്ഞം തീരത്തുനിന്ന് മീൻപിടിത്തത്തിനു പോയ ഏഴു വള്ളങ്ങള്‍ മടങ്ങിയെത്താത്തതാണ് തീരത്ത് വലിയ ആശങ്കയ്ക്ക് ഇടയാക്കിയിരിക്കുന്നത്.

ഇന്നലെ രാത്രി പോയി ഇന്നു പുലര്‍ച്ചെ എത്തേണ്ടിയിരുന്ന വള്ളങ്ങളില്‍ 27 പേരാണുള്ളത്. വള്ളത്തിലുള്ളവരുടെ ഫോണുകള്‍ സ്വിച്ച് ഓഫ് ആണ്.

കടലില്‍ വച്ച് അതിശക്തമായ കാറ്റ് അടിച്ചിരുന്നുവെന്ന് തിരിച്ചെത്തിയ വള്ളങ്ങളില്‍ ഉള്ളവര്‍ പറഞ്ഞു. തീരസംരക്ഷണ സേന തിരച്ചില്‍ ആരംഭിച്ചിട്ടുണ്ട്.