ന്യൂസിലാൻഡിൽ ഭക്ഷ്യവസ്തുക്കളുടെ വിലയേറുന്നു

ന്യൂസിലാൻഡിൽ ഭക്ഷ്യവസ്തുക്കളുടെ വിലയേറുന്നു.  

കണക്കുകൾ പ്രകാരം, 12 മാസത്തെ വില നിലവാരം വച്ച് 3.5 ശതമാനം വില വർദ്ധനവാണ് ഭഷ്യവസ്തുക്കൾക്ക് ഉണ്ടായിരിക്കുന്നത്.

പാലുൽപ്പന്നങ്ങൾ, മാംസം, ചില പലചരക്ക് സാധനങ്ങൾ എന്നിവയുടെ വിലയാണ് ഏറ്റവും വേഗത്തിൽ ഉയർന്നത്.

വെണ്ണ, പാൽ, ആട്ടിറച്ചി , ബീഫ്, ചോക്ലേറ്റ്, കാപ്പി, തൈര് എന്നിവയുടെ വിലയിൽ വൻ കുതിപ്പാണ് ഉണ്ടായിരിക്കുന്നത്. വാർഷികാടിസ്ഥാനത്തിൽ, 2024 മാർച്ചിനെ അപേക്ഷിച്ച് വെണ്ണ വില 63.6% വർദ്ധിച്ചു, പാലിന്റെ വില 16%-വും. 

250 ഗ്രാം ചോക്ലേറ്റ് ബ്ലോക്കിന്റെ ശരാശരി വില 2025 മാർച്ചിൽ $5.99 ആയിരുന്നു. കഴിഞ്ഞ മൂന്ന് വർഷത്തെ കണക്കുവച്ചു $1.60 ഡോളറിന്റെ വർദ്ധനവാണ് ഉണ്ടായിരിക്കുന്നത്. ഡോളർ കണക്കിൽ ഈ വില വർദ്ധനവ് വളരെ കൂടുതലാണ്. 

പഴങ്ങളുടെയും പച്ചക്കറികളുടെയും വില വലിയ മാറ്റമില്ലാതെ തുടരുന്നതാണ് ആശ്വാസം. ഈസ്റ്റർ സീസൺ സമയത്തു ചോക്ലേറ്റിന്റെ വില ഉയർന്നത് ഉപഭോക്താക്കളെ സാരമായി ബാധിച്ചിട്ടുണ്ട്.