അംഗൻവാടി കം ക്രഷ് ഈരാറ്റുപേട്ട നഗരസഭക്ക് അനുവദിച്ചു.

ഈരാറ്റുപേട്ട നഗരസഭ പരിധിയിൽ 25 ഓളം അംഗൻവാടികൾ ഉണ്ട് അതിലെ 93 നമ്പർ ടൗൺ കേന്ദ്രീകരിച്ചുള്ള അംഗൻവാടിക്ക്‌ ഈരാറ്റുപേട്ട നഗരസഭയിൽ അംഗൻവാടി കം ക്രഷ് ആയിട്ട് അനുവദിച്ചു.

3 വയസ്സിൽ താഴെയുള്ള കുട്ടികളെ പരിപാലിക്കുന്നതിനും സ്ത്രീ ശാക്തീകരണത്തിന്റെ ഭാഗമായിട്ട് തൊഴിൽ അവസരങ്ങൾ നഷ്ടപ്പെടാതിരിക്കുവാൻ കുട്ടികൾ ഉള്ള വനിതകൾക്ക് തൊഴിലിടങ്ങളിലേക്ക് പോകുന്നതിന് കുട്ടികളെ സുരക്ഷിതമായ കൈകളിൽ ഏൽപ്പിക്കുന്നതിന് കൂടിയാണ് അംഗൻവാടി കം ക്രഷ് ആരംഭം കുറിച്ചതെന്ന് നഗരസഭ ചെയർപേഴ്സൺ സുഹ്‌റ അബ്ദുൽഖാദർ അറിയിച്ചു.

വൈസ് ചെയർമാൻ അൻസർ പുള്ളോലിയുടെ അദ്ധ്യക്ഷതയിൽ കൂടിയ യോഗത്തിന് വാർഡ് കൗൺസിലർ Dr.സഹല ഫിർദൗസ് ആശംസകൾ അർപ്പിച്ചു. ചൈൽഡ് ഡെവലപ്മെന്റ് പ്രൊജക്റ്റ് ഓഫീസർ ജാസ്മിൻ സലീം പദ്ധതി വിശദീകരണം നടത്തി.

കൂടാതെ വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഫാസില അബ്സർ ആശംസകൾ അറിയിച്ചു. ICDS സൂപ്പർവൈസർ ആര്യ ക്രഷിന്റെ പ്രവർത്തനത്തെ കുറിച്ച് വിശദീകരിച്ചു.