ആശ്രിത നിയമനം - എയ്ഡഡ് മേഖലയെ ഒഴിവാക്കരുത് - ടീച്ചേഴ്സ് സെൻ്റർ

ആലപ്പുഴ: സർവീസിലിരിക്കെ മരണമടയുന്ന ജീവനക്കാരുടെ ആശ്രിതർക്ക് സമാശ്വാസ തൊഴിൽ നൽകുന്ന പദ്ധതിയിൽ നിന്നും എയ്ഡഡ് സ്ഥാപനങ്ങളിലെ ജീവനക്കാരെ ഒഴിവാക്കിയുള്ള സർക്കാർ ഉത്തരവ് പിൻവലിക്കണമെന്ന് കേരള സ്റ്റേറ്റ് ടീച്ചേഴ്സ് സെൻ്റർ (കെ.എസ്.ടി.സി) ജില്ലാ കമ്മിറ്റി ആവശ്യപ്പെട്ടു.

സർക്കാർ ഉത്തരവ് എയ്ഡഡ് മേഖലയിലെ ജീവനക്കാരോടുള്ള നീതി നിഷേധമാണന്ന് യോഗം കുറ്റപ്പെടുത്തി. ജില്ലാ പ്രസിഡൻ്റ് ഷാജു വി.എം.രാജ് അധ്യക്ഷനായി. സംസ്ഥാന സമിതിയംഗം എസ്.ശ്രീകുമാർ, ജില്ലാ സെക്രട്ടറി ശുഭാചന്ദ്രൻ, പി.പ്രഭാത്, ശ്രീലതിക, ടെൽമാ വർഗീസ്, ബി.അരുൺ, എസ്.മിനി, സുജാ തോമസ് എന്നിവർ പ്രസംഗിച്ചു.