ലോറി ബൈക്കില്‍ ഇടിച്ചുകയറി 22 കാരൻ മരിച്ചു

എറണാകുളത്ത് ലോറി ബൈക്കില്‍ ഇടിച്ചുകയറി മലപ്പുറം സ്വദേശിക്ക് ദാരുണാന്ത്യം. മലപ്പുറം വാഴയൂർ സ്വദേശി ഹാദി സിനാൻ (22) ആണ് അപകടത്തില്‍ മരിച്ചത്. കച്ചേരിപ്പടിയില്‍ നിന്ന് ഹൈക്കോടതി ഭാഗത്തേയ്ക്ക് പോവുകയായിരുന്ന നാഷണല്‍ പെർമിറ്റ് ലോറി അമിത വേഗത്തില്‍ ബൈക്കിൻറെ പിന്നില്‍ ഇടിക്കുകയായിരുന്നു.

അതേസമയം ഇടിയുടെ ആഘാതത്തില്‍ ലോറിക്കടിയില്‍പ്പെട്ട സിനാൻ സംഭവ സ്ഥലത്ത് തന്നെ മരണപ്പെട്ടു. മലപ്പുറത്ത് നിന്നും എറണാകുളത്ത് എത്തിയ സുഹൃത്തിനെ റെയില്‍വേ സ്റ്റേഷനില്‍ നിന്നും കൂട്ടിയ ശേഷം താമസസ്ഥലത്തേക്ക് വരുമ്ബോഴാണ് അപകടം സംഭവിച്ചത്.

വേങ്ങര സ്വദേശിയായ സുഹൃത്ത് ഗുരുതര പരിക്കുകളോടെ ആശുപത്രിയില്‍ ചികിത്സയിലാണ്. ലോറി ഡ്രൈവർ മഹാരാഷ്ട്ര സ്വദേശി നിഷാകാന്തിനെ എറണാകുളം പൊലീസ് അറസ്റ്റ് ചെയ്തു. മനപൂർവമല്ലാത്ത നരഹത്യയ്ക്ക് കേസെടുത്തു.