വടക്കാഞ്ചേരി വാണിയൻപാറയിൽ കള്ളുകയറ്റി വന്ന വാഹനമിടിച്ച് രണ്ട് കാൽനടയാത്രക്കാർ മരിച്ചു.

 പാലക്കാട്∙ വടക്കഞ്ചേരി വാണിയമ്പാറയിൽ ദേശീയപാതയിലുണ്ടായ വാഹനാപകടത്തിൽ കാൽനടയാത്രികരായ 2 പേർക്ക് ദാരുണാന്ത്യം. കള്ള് കയറ്റി വന്ന വാഹനമാണ് വാണിയമ്പാറ സ്വദേശി ജോണി (59), മണിയം കിണർ സ്വദേശി രാജു (53) എന്നിവരെ ഇടിച്ചത്.

ദേശീയപാതയുടെ അരികിലൂടെ നടന്ന് പോകുകയായിരുന്നു ജോണിയും രാജുവും.രാവിലെ 8.30ഓടെ പാലക്കാട് ദിശയിൽ നിന്നും കള്ള് കയറ്റി വന്ന വാഹനം ഇവരെ പുറകിൽനിന്ന് ഇടിച്ചു വീഴ്ത്തുകയായിരുന്നു. ഗുരുതരമായി പരുക്കേറ്റ ജോണിയെയും, രാജുവിനേയും ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.