കായംകുളം പെരിങ്ങാലയിൽ പോത്തിന് പേവിഷബാധ സംശയം.

കായംകുളം കായംകുളം പെരിങ്ങാലയിൽ പോത്തിന് പേവിഷബാധ സംശയം വളർത്ത് പൊത്തിന് പേവിഷബാധയെന്ന് സംശയം. പെരിങ്ങാല സ്വദേശി സുരേഷിന്റെതാണ് വളർത്തുപോത്ത്.

കഴിഞ്ഞദിവസം സാധാരണ നിലയിൽ നിന്ന് പോത്ത് വിറളി കാണിക്കുന്നത് ശ്രദ്ധയിൽപ്പെട്ടതോടെ കായംകുളം മൃഗാശുപത്രിയിൽ വിവരം അറിയിച്ചു. പേവിഷ ബാധയാകാം എന്നാണ് ഡോക്ടറിന്റെ പ്രാഥമിക നിഗമനം. തെരുവ് നായ്ക്കൾ ആക്രമിച്ചതാകാം എന്ന് സംശയിക്കുന്നു.

കായംകുളത്തും സമീപപ്രദേശങ്ങളിലും തെരുവ് നായ്ക്കളുടെ ആക്രമണം രൂക്ഷമാണ്. ആരോഗ്യ വകുപ്പിന്റെ നിർദ്ദേശപ്രകാരം സുരേഷും കുടുംബവും ഇന്നലെ രാത്രി കായംകുളം താലൂക്ക് ആശുപത്രിയിൽ എത്തി വാക്സിൻ എടുത്തിട്ടുണ്ട്. പേവിഷബാധ ഉറപ്പായാൽ ആരോഗ്യ പ്രവർത്തകരും പ്രദേശവാസികളും നിരീക്ഷണം ശക്തമാക്കണം.