പ്രവാസി മലയാളിയെ കാണാതായിട്ട് ദിവസങ്ങൾ ജിപിഎസ് സംവിധാനമുള്ള വാഹനമടക്കം കാണാതായതിൽ ദുരൂഹത ആരോപിച്ച് കുടുംബം,

കാലടി (കൊച്ചി) : കാനഡയിൽ മലയാളി യുവാവിനെ കാണാതായതായി പരാതി.

മലയാറ്റൂരിനടുത്തു നീലീശ്വരം സ്വദേശി പുതുശേരി ഫിന്റോ ആന്റണിയെ (39) കാണാനില്ലെന്നു കാനഡ പൊലീസാണു റിപ്പോർട്ട് ചെയ്തത്.

ജിപിഎസ് സംവിധാനമുള്ള വാഹനം അടക്കമാണു കഴിഞ്ഞ 5 മുതൽ കാണാതായത്.12 വർഷമായി ഫിന്റോ കാനഡയിൽ ജോലി ചെയ്യുന്നു. 6 മാസമായി ഭാര്യയും 2 കുട്ടികളും കൂടെയുണ്ട്.

മൊബൈൽ ഫോൺ വീട്ടിലുണ്ട്. കാണാതായ വാർത്ത ബുധനാഴ്ച കാനഡ പൊലീസ് പത്രങ്ങളിൽ നൽകിയിരുന്നു. നീലീശ്വരം പൂണേലി ധന്യയാണു ഭാര്യ.