മുൻ എംപി എ.എം. ആരിഫിനെ സിപിഎം ആലപ്പുഴ ജില്ലാ സെക്രട്ടേറിയറ്റിൽ ഉൾപ്പെടുത്തി

ആലപ്പുഴ: മുൻ എംപി എ.എം. ആരിഫിനെ സിപിഎം ആലപ്പുഴ ജില്ലാ സെക്രട്ടേറിയറ്റിൽ ഉൾപ്പെടുത്തി. 

ജില്ലാ പഞ്ചായത്ത് പ്രസിഡന്റ് കെ.ജി. രാജേശ്വരി, കെ.ആർ. ഭഗീരഥൻ, വി.ജി. മോഹനൻ എന്നിവരെയും പുതുതായി സെക്രട്ടേറിയറ്റിലെടുത്തു. ജനാധിപത്യ മഹിളാ അസോസിയേഷൻ നേതാവ് ജി.രാജമ്മയെ സെക്രട്ടേറിയറ്റിൽ നിന്ന് ഒഴിവാക്കി.

സംസ്ഥാന കമ്മിറ്റി അംഗം കെ. പ്രസാദ്, സംസ്ഥാന കൺട്രോൾ കമ്മിഷൻ ചെയർമാൻ കെ.എച്ച്. ബാബുജാൻ എന്നിവരും പ്രായപരിധി നിബന്ധനയെ തുടർന്ന് ജി. വേണുഗോപാലും നേരത്തെ ജില്ലാ കമ്മിറ്റിയിൽ നിന്ന് ഒഴിവായിരുന്നു. സംസ്ഥാന സെക്രട്ടറി എം.വി. ഗോവിന്ദൻ, കേന്ദ്രകമ്മിറ്റി അംഗങ്ങളായ ഡോ. തോമസ് ഐസക്, സി.എസ്. സുജാത, പുത്തലത്ത് ദിനേശൻ, മന്ത്രി സജി ചെറിയാൻ എന്നിവരുടെ സാന്നിധ്യത്തിലായിരുന്നു ജില്ലാ കമ്മിറ്റി യോഗം.