കൊച്ചി ലോകത്തെ ഏറ്റവും വലിയ കപ്പൽ നിർമ്മാണ കേന്ദ്രങ്ങളിൽ ഒന്നാവാൻ പോകുന്നു

കൊച്ചി ലോകത്തെ ഏറ്റവും വലിയ കപ്പൽ നിർമ്മാണ കേന്ദ്രങ്ങളിൽ ഒന്നാവാൻ പോകുന്നു. ആഗോള മെറൈൻ ഭീമൻ കമ്പനികൾക്ക് കൂറ്റൻ കണ്ടെയ്നർ ഷിപ്പുകളും കാർഗോ ഷിപ്പുകളും ഇനി കൊച്ചിയിൽ നിർമ്മിക്കും.

പതിനായിരക്കണക്കിന് കോടികളുടെ നിക്ഷേപവും ആയിരക്കണക്കിന് ജോലി സാധ്യതകളും എത്തുന്ന നിക്ഷേപ പദ്ധതികൾക്ക് കൊച്ചിൻ ഷിപ്പ് യാർഡ് തുടക്കമിട്ടു. 

ദുബായ് പോർട്ട് വേൾഡിൻ്റെ സബ്സിഡിയറി കമ്പനിയായ ഡ്രെഡോക്സ് വേൾഡുമായി കൊച്ചി ഷിപ്പ് യാർഡ് ധാരണാ പത്രം ഒപ്പുവച്ചു. ഇത് കൊച്ചിയെ അന്താരാഷ്ട്ര ഷിപ്പ് മെയിൻ്റനൻസ് സെൻ്ററായി ഉയർത്താൻ ഉതകുന്ന കരാറാണ്.