തലപ്പാടി – ചെങ്കള റീച്ച് വികസിപ്പിച്ച ദേശീയപാത ഔദ്യോഗിക ഉദ്ഘാടനത്തിനൊരുങ്ങി

കാസർകോട് : തലപ്പാടി – ചെങ്കള റീച്ച് വികസിപ്പിച്ച ദേശീയപാത ഔദ്യോഗിക ഉദ്ഘാടനത്തിനൊരുങ്ങുന്ന നിലയിലാണ്. സർവീസ് റോഡ് പൂർത്തിയാകാനുണ്ട്.

ദേശീയപാത അതോറിറ്റി തീരുമാനിക്കുന്ന മുറയ്ക്കു പണി പൂർത്തിയായ ദേശീയപാതയുടെ ഉദ്ഘാടനം നടക്കും. ഉദ്ഘാടനം മേയിൽ ഉണ്ടാകുമെന്നാണു നിർമാണ കമ്പനി അധികൃതർ നൽകുന്ന സൂചന. 

കോഴിക്കോടും മലപ്പുറത്തും പൂർത്തിയാകുന്ന ദേശീയപാതയ്ക്കൊപ്പം തലപ്പാടി– ചെങ്കള റീച്ച് ഉദ്ഘാടനം നടത്താനും സാധ്യതയുണ്ട്. കർണാടക – കേരള അതിർത്തിയിൽനിന്നു തുറക്കുന്ന ദേശീയപാതയുടെ കേരളത്തിലെ ആദ്യ റീച്ചാണു തലപ്പാടി– ചെങ്കള റീച്ച്.