ഖത്തറിൽ ഹൃദയാഘാതത്തെ തുടർന്ന് മലയാളി യുവാവ് അന്തരിച്ചു

ദോഹ: ഖത്തറിൽ മലയാളി യുവാവ് ഹൃദയാഘാതത്തെ തുടർന്ന് അന്തരിച്ചു.

മെസ്സിലയിലെ ലുലു ഹൈപ്പർമാർക്കറ്റിൽ ജീവനക്കാരനായ പാലക്കാട് ആലത്തൂർ സ്വദേശി അർഷാദ് (26) ആണ് മരിച്ചത്.

ലുലു മെസ്സില ശാഖയിൽ ഡ്രൈവറായി ജോലി ചെയ്തുവരികയായിരുന്നു അവിവാഹിതനായ അർഷാദ്. ദേഹാസ്വാസ്ഥ്യത്തെ തുടർന്ന് ഹമദ് ആശുപത്രിയിൽ പ്രവേശിപ്പിച്ചിരുന്നെങ്കിലും ഇന്നലെ പുലർച്ചെയാണ് മരണം സംഭവിച്ചത്.

ഹമദ് ആശുപത്രി മോർച്ചറിയിലുള്ള മൃതദേഹം നടപടികൾ പൂർത്തിയാക്കിയ ശേഷം നാട്ടിലേക്ക് കൊണ്ടുപോകും.