സംസ്ഥാനത്ത് അക്ഷയതൃത്രീയ ദിനത്തിലും മാറ്റമില്ലാതെ സ്വര്‍ണവില
0DAILY MEDIA DESK 1ബുധനാഴ്‌ച, ഏപ്രിൽ 30, 2025
സംസ്ഥാനത്ത് അക്ഷയതൃത്രീയ ദിനത്തിലും മാറ്റമില്ലാതെ സ്വര്‍ണവില. അക്ഷയതൃത്രീയ ദിനത്തില്‍ സ്വര്‍ണം വാങ്ങിയാല്‍ സര്‍വൈശ്വര്യങ്ങളും വന്നുചേരുമെന്നാണ് വിശ്വാസം. ഇന്ന് സ്വര്‍ണവിപണി ഉണര്‍ന്നെങ്കിലും വിലയില്‍ ചാഞ്ചാട്ടങ്ങളൊന്നും രേഖപ്പെടുത്തിയിട്ടില്ല. ഒരു പവന് സ്വര്‍ണത്തിന് 71840 രൂപയാണ് ഇന്നത്തെ വില്‍പ്പന വില. പവന് 320 രൂപ ഇന്നലെ വര്‍ധിച്ച ശേഷമാണ് ഒരു പവന്റെ വില ഈ നിരക്കിലെത്തിചേര്‍ന്നത്. ഗ്രാമിന് 8980 രൂപ എന്ന നിരക്കിലാണ് ഇന്നത്തെ സ്വര്‍ണവ്യാപാരം പുരോഗമിക്കുന്നത്.
ഓഹരി വിപണിയിലെ ചലനങ്ങളും രാജ്യാന്തര വിപണിയിലെ മാറ്റങ്ങളുമാണ് സ്വര്‍ണ വിലയില്‍ പ്രതിഫലിക്കുന്നത്.ലോകത്തെ ഏറ്റവും വലിയ സ്വര്‍ണ ഉപഭോക്താക്കളാണ് ഇന്ത്യ. ഓരോ വര്‍ഷവും ടണ്‍ കണക്കിന് സ്വര്‍ണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയില്‍ സംഭവിക്കുന്ന ചെറിയ ചലനങ്ങള്‍ പോലും അടിസ്ഥാനപരമായി ഇന്ത്യയിലെ സ്വര്‍ണവിലയില്‍ പ്രതിഫലിക്കും.
അതേസമയം, രാജ്യാന്തര വിപണിയില്‍ സ്വര്‍ണത്തിന് വില കുറഞ്ഞാല്‍ ഇന്ത്യയില്‍ വില കുറയണമെന്ന് നിര്‍ബന്ധമില്ല. രൂപയുടെ മൂല്യം, പ്രാദേശികമായ ആവശ്യകത, ഇറക്കുമതി തീരുവ എന്നീ ഘടകങ്ങള്‍ ഇന്ത്യയിലെ സ്വര്‍ണവില നിശ്ചയിക്കുന്നതില്‍ പ്രധാന പങ്കുവഹിക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.