ലക്ഷങ്ങൾ വിലവരുന്ന ചന്ദന മുട്ടികളുമായി രണ്ടുപേർ പിടിയിൽ..!

തിരുവനന്തപുരം ;വർക്കല  ഇടവയിൽ നിന്നും 90 കിലോ ചന്ദനതടികൾ പിടികൂടി.

5 ലക്ഷം രൂപ വില വരുന്ന ചന്ദന തടികളാണ് രണ്ടു പേരിൽ നിന്ന് വനം വകുപ്പ് ഉദ്യോഗസ്ഥർ പിടികൂടിയത് സംഭവത്തിൽ പാലക്കാട് നല്ലായ മക്കടയിൽ മുഹമ്മദ് നബി (37), വെന്നിയോട് വെട്ടൂർ മേലേ കല്ലുവിള വീട്ടിൽ വിഷ്ണു ആർ (29) എന്നിവരാണ് വനം വകുപ്പിന്റെ പിടിയിലായത്,

രഹസ്യ വിവരത്തിന്റെ അടിസ്ഥാനത്തിൽ പാലോട് വനം വകുപ്പ് ഉദ്യോഗസ്ഥർ  നടത്തിയ പരിശോധനയിലാണ് പ്രതികൾ താമസിച്ചിരുന്ന വീടിന്റെ രഹസ്യ അറയിൽ നിന്ന് ചന്ദനമുട്ടികൾ ഉദ്യോഗസ്ഥർ കണ്ടെത്തിയത്,

ചന്ദനമുട്ടികൾ മലപ്പുറം കേന്ദ്രീകരിച്ചു വിൽപ്പന നടത്താനാണ് പ്രതികൾ ഉദ്ദേശിച്ചിരുന്നതെന്ന് വിവരമുണ്ട് ചന്ദന കടത്തിന് പിന്നിൽ വൻ മാഫിയ സംസ്ഥാനത്ത് പ്രവർത്തിക്കുന്നതായും സംശയിക്കുന്നതായി ഉദ്യോഗസ്ഥർ പറഞ്ഞു പിടിയിലായ കുറ്റവാളികളെ നെടുമങ്ങാട് കോടതിയിൽ ഹാജരാക്കി..