ഓടിക്കൊണ്ടിരുന്ന വാഹനത്തിന് തീപിടിച്ച് അപകടം,വൻ ദുരന്തം ഒഴിവായത് തലനാരിഴയ്ക്ക്..!

കോട്ടയം;കടുത്തുരുത്തി ടൗണിൽ ചർച്ച് റോഡിൽ  ഓടിക്കൊണ്ടിരുന്ന വാഹനത്തിന് തീപിടിച്ചു.

കടുത്തുരുത്തി സെൻ്റ് മേരീസ് ഫൊറോന വലിയ പള്ളിയുടെ നവീകരണ പ്രവർത്തനം നടക്കുന്ന ഹാളിലേക്ക് രാജസ്ഥാനിൽ നിന്നും എയർ കണ്ടീഷൻ ഉപകരണങ്ങൾ  കയറ്റി വന്ന കണ്ടെനർ  വാഹനത്തിനാണ് തീ പിടിച്ചത്.

മെയിൻ റോഡിൽ നിന്നും ചർച്ച് റോഡിലേക്ക്  കയറുന്നിനിടെ K S E B യുടെ ഇലക്ട്രിക് ലൈനിൽ തട്ടി ഷോർട്ട് സർക്യൂട്ട് ആയതാണ് തീപിടുത്തത്തിന് കാരണം.

 ഫയർഫോഴ്സും കടുത്തുരുത്തി പോലീസും കടുത്തുരുത്തി KSEB യും നാട്ടുകാര്യം  കൃത്യസമയത്ത് ഇടപെട്ടതിനാൽ വൻ ദുരന്തം ആണ് ഒഴിവായത്. ഏകദേശം പത്ത് ലക്ഷത്തോളം രൂപയുടെ ഉപകരണങ്ങൾക്ക് തീ പിടുത്തത്തിൽ നാശം സംഭവിച്ചതായി കണക്കാക്കപ്പെടുന്നു.