ഷൊർണൂർ പാസഞ്ചർ ട്രെയിനിൽ ആശങ്കയായി പുക;ബ്രേക്ക് ബെൻഡിങ്ങെന്ന് പ്രാഥമിക നിഗമനം

കണ്ണൂർ: കണ്ണൂർ ഷൊർണൂർ പാസഞ്ചർ ട്രെയിനിൽ ആശങ്കയായി പുക.

വൈകുന്നരേം കൊയിലാണ്ടി റെയിൽവേ സ്റ്റേഷനിൽ വച്ചാണ് ട്രെയിനിന്റെ അടിവശത്ത് പുക കണ്ടത്. ബ്രേക്ക് ബെൻഡിങ് മൂലം ഉണ്ടായ പുക എന്നാണ് പ്രാഥമിക നിഗമനം. വൈകീട്ട് 6.50 ഓടെയാണ് സംഭവം.

റെയിൽവേ ജീവനക്കാർ കൃത്യസമയത്ത് ഇടപെട്ടതിനാൽ വലിയ അപകടം ഒഴിവായി. തീയണച്ച ശേഷം അര മണിക്കൂർ വൈകിയാണ് ട്രെയിൻ പിന്നീട് സർവീസ് ആരംഭിച്ചത്.