നെല്ലുവായ് നന്ദകുമാറിന് ഗുരുവായൂർ ജനാർദ്ദനൻ നെടുങ്ങാടി ആശാൻ പുരസ്കാരം

ചെർപ്പുളശ്ശേരി: സോപാന സംഗീത രംഗത്തെ സമഗ്ര സംഭാവനകൾ പരിഗണിച്ച് സോപാനഗായക സംഘം ചെയർമാൻ നെല്ലുവായ് നന്ദകുമാറിന് ഗുരുവായൂർ ജനാർദ്ദനൻ നെടുങ്ങാടി ആശാൻ പുരസ്കാരം സമ്മാനിക്കും. ഗുരുവായൂർ ജനാർദ്ദനൻ നെടുങ്ങാടിയാശാന്റെ ജന്മനാടായ ചെർപ്പുളശ്ശേരി നെല്ലായ പുലാക്കാട് ഭഗവതി ക്ഷേത്രത്തിൽ മെയ് 3-ന് രാവിലെ 10 മണിക്ക് നടക്കുന്ന ചടങ്ങിൽ പുരസ്കാരം സമ്മാനിക്കും.

10,001 രൂപയും മൊമെന്റോയും അടങ്ങുന്നതാണ് പുരസ്കാരം. ചരിത്രത്തിലെ ആദ്യത്തെയും ഏറ്റവും വലുതുമായ സോപാന ഗായകരുടെ കൂട്ടായ്മയാണ് സോപാന ഗായക സംഘം. ക്ഷേത്രത്തിലെ പ്രതിഷ്ഠാദിനമായ മെയ് 3-ന് നടക്കുന്ന ചടങ്ങിൽ എല്ലാ സോപാന ഗായകരും പങ്കെടുക്കണമെന്ന് സംഘാടകർ അഭ്യർത്ഥിച്ചു.

സോപാന സംഗീത രംഗത്ത് നൽകിയ സംഭാവനകൾ പരിഗണിച്ചാണ് നെല്ലുവായ് നന്ദകുമാറിനെ പുരസ്കാരത്തിനായി തിരഞ്ഞെടുത്തതെന്ന് സംഘാടകർ അറിയിച്ചു.