വാർദ്ധക്യത്തിലെ ദുരിതം; 68 കാരിയെ മക്കൾ ഉപേക്ഷിച്ചു

തൃശ്ശൂർ: വാർദ്ധക്യത്തിന്റെ അവശതകളുമായി ജീവിതം തള്ളിനീക്കുന്ന 68 കാരിയെ മക്കൾ ഉപേക്ഷിച്ച നിലയിൽ കണ്ടെത്തി. തൃശ്ശൂർ വടക്കാഞ്ചേരിയിലാണ് സംഭവം.

കൊടുമ്പ് പുനരധിവാസ കോളനിയിൽ താമസിക്കുന്ന കളി (തങ്കു) എന്ന വയോധികയാണ് ദുരിതത്തിലായത്.

അസുഖത്തെ തുടർന്ന് വീട്ടിൽ ചികിത്സയിലിരിക്കെ കട്ടിലിൽ നിന്ന് വീണ ഇവർക്ക് ഇരിക്കാൻ പോലും സാധിക്കാത്ത അവസ്ഥയായിരുന്നു. കിടന്ന കിടപ്പിൽ മലമൂത്ര വിസർജ്ജനം നടത്തിയതിനെ തുടർന്ന് മർദ്ദിച്ചുവെന്നും പറയുന്നു.

അവശയായ വയോധികയെ റോഡരികിൽ ഉപേക്ഷിച്ച നിലയിൽ നാട്ടുകാരാണ് കണ്ടെത്തിയത്. തുടർന്ന് പോലീസിൽ വിവരമറിയിക്കുകയായിരുന്നു.